2 Saray Arari 15:29 - Maung A Balita Biblia

²⁹ Legan na panaari nen Pekas, si Tiglat-pileser ya impirador na Asiria adakep to ray siudad na Ijon, Abel-bet-maaca, Janoa, Kedes, Hazor, Galaad, Galilea, tan Neftali; dinakep to ray totoon manaayam ed sarayan siudad, insan inawit to ran priso ed Asiria.

Maung a Balita Biblia

²⁹ Legan na panaari nen Pekas, si Tiglat-pileser ya impirador na Asiria adakep to ray siudad na Ijon, Abel-bet-maaca, Janoa, Kedes, Hazor, Galaad, Galilea, tan Neftali; dinakep to ray totoom manaayam ed sarayan siudad, insan inawit to ran priso ed Asiria.

2 Saray Arari 15:29 Referans Kwoze

1 Saray Awaran 5:26

Kanyan pinaloob na Dios si Impirador Pul na Asiria (tatawagen met na Tiglat-pileser) ed bansa ra. Pinataynan to ray tribu nen Ruben, Gad, tan say kapaldua na Manases, insan to ra imbaki ed Halah, Habor, Hara, tan diad abay na Ilog na Gozan, ta diman lay panayaman da.

2 Saray Arari 17:6

a sikatoy kumasyam a taon na panooley nen Oseas, adakep na impirador na Asiria so Samaria; inawit tod Asiria iray Israelitan adakep to, insan impanayam to ray arum ed siudad na Hala, saray arum diad asingger ed Ilog na Habor diad distrito na Gozan, tan saray arum diad saray siudad na Media.

2 Saray Arari 16:7

Angibakiy Acaz na totoo ed kinen Tiglat-pileser ya impirador na Asiria, tan impaikuanto: “Siak so matoor ya aripen mo. Dago mo ak pa, ta iyagel mo ak ed saray ararid Siria tan Israel ya ondodogpad siak.”

1 Saray Arari 15:20

Inmabubon ed kinen Asa si Ari Ben-hadad, kanyan imbaki ton ondogpad saray siudad na Israel iray sondalo to tan saray pangulo ra. Adakep day Ijon, Dan, Abel-bet-maaca, say pasen ya asingger ed Dayat na Galilea, tan say intiron nasasakopan na Neftali.

Josue 20:7

Kanyan diad sagur na Jordan imbiig day Kedes na Galilea, diad kapokdulan a dalin na Neftali; Sikem, diad kapokdulan a dalin na Efraim; tan Hebron, diad kapokdulan a dalin na Juda.

2 Saray Awaran 16:4

Inmabubon ed kinen Asa si Ari Ben-hadad, kanyan imbaki ton ondogpad saray siudad na Israel iray sondalo to tan saray pangulo ra. Adakep day Ijon, Dan, Abel-bet-maaca, tan amin da ray siudad na Neftali a panangisempenan ira na saray abasto.

Saray Huis 4:2

Kanyan say Katawan impadakep to rad kinen Jabin a Cananeo a nanarid siudad na Hazor. Say pangulo na saray sondalo to et si Sisara a nanayam ed Haroset-na-saray-Hintil.

Josue 19:37

Kedes, Edrei, En-hazor,

Josue 11:1

Nen nadngelan nen Ari Jabin na Hazor so balitan nipaakar ed impanatalo na Israel, nampabakian to si Ari Jobab na Madon, saray arari na Simron tan Acsaf,

Amos 1:13

Say Katawan kuanto, “Nankakasalanan iray taga Ammon, kanyan andi-saew a dusaen ko ra. Diad impibakal dan manakop na arum iran dalin, binubutyakan da ray anggan bibiin malokun ed Galaad.

Amos 1:3

Say Katawan kuanto, “Nankakasalanan iray totood Damasco, kanyan andi-saew a dusaen ko ra. Mapalaloy impanduduksa rad saray totood Galaad.

Isaias 7:20

“No onsabi tan a panaon, say Katawan mangupa na sakey a kumakatlin taga nibaliw na Ilog na Eufrates—say impirador na Asiria—insan kiskisan to ray balbas yo, say kaoloan yo, tan anggan say bagoy laman yo.

Isaias 1:7

Nagmaliw ya apaolyan so bansa yo tan tinemek na apoy iray siudad yo. Sankanengneng yon sasakopen na saray taga arum a bansa so dalin yo tan dederalen day amin a bengatla.

2 Saray Arari 17:23

ya anggad pinataynan na Katawan irad arap to onung na sinalita to diad panamegley na saray aripen ton propita. Kanyan niakar ya adakep ed Asiria iray Israelita, a dimay panaayaman da ni ya anggad natan.

1 Saray Arari 9:11

Si Ari Hiram na Tiro so angiter ed sikato na amin a kiew a sidro tan saleng tan amin a balituk a kinaukolan tod sayan kimey. Nen asumpal la ran nipaalagey, initdan nen Ari Solomon si Hiram na duamplon baley a walad sakop na dalin na Galilea.

Josue 16:6

tan manlapud man ontalus ed dayat na Mediteraneo. Say ketegan dad baybay et say Micmetat. Manlapud bokig na Micmetat say ketegan da onliko ed Taanat-silo insan ontuloy ed bokig ya anggad Janoa.

Josue 12:19

Madon, Hazor,

Josue 11:13

Balet saray Israelita ag da pinoolan iray siudad a nipaalagey ed atagey iran pasen, likud labat ed Hazor a pinoolan nen Josue.

Josue 11:10

Insan pinmawil si Josue, dinakep toy Hazor tan pinatey toy arid man. (Diad saman a panaon say Hazor so sankabiskegan ed amin da ray nanarian.)

Deuteronomio 28:25

“Say Katawan ipatalo to kayod saray kalaban yo. Dogpaan yo rad sakey a dapag balet ibatikan yo rad amin a dapag, et diad ontan ontakot iray amin a katoowan ed intiron mundo no nanengneng day nagawad sikayo.

Deuteronomio 3:15

“Impabetang kod boleg nen Makir a kabyangay tribu nen Manases so dalin na Galaad.

Saray Bilang 32:40

Kanyan si Moises inter to so Galaad ed saray kabyangay boleg nen Makir, tan nanayam irad man.

Saray Bilang 32:1

Saray tribu di Ruben tan Gad et dakerakel so baka ra. Nen anengneng dan balibalin pampastolan na baka so dalin na Jazer tan Galaad,

Levitico 26:32

Sigput kon deralen so dalin yo kanyan nikelawan iray kalaban yon manayam diman.

1 Saray Arari 14:15

Dusaen na Katawan so Israel, tan magmaliw a singa kiew a payar ya iwal-iwalen na mabiskeg ya agos na danum. Pataynanen to ray totood Israel ed sayan maung a dalin ya inter tod saray lalaki ra, insan to ra ikaykayat ed nibaliw na Ilog na Eufrates, ta apampasnuk da lapud impanggawa ra na saray talintao nen diosan Asera.

2 Saray Arari 15:19

Nilabanan nen Impirador Tiglat-pileser na Asiria so Israel, et initdan nen Menahem na talomplo tan walon toniladan pilak, pian pansiansiaen ton manoley ed Israel.

2 Saray Arari 15:28

Nanggagawa na kaogsan sumpad Katawan; inalig toy impankakasalanan nen Jeroboam a lakin anak nen Nebat, say arin nilagyat ton nankasalanan so Israel.

2 Saray Arari 15:30

Nen kumaduamplon taon na panaarid Juda nen Jotam a lakin anak nen Uzias, si Oseas a lakin anak nen Ela impangulo toy komplut a sumpad Ari Pekas; pinatey to, insan sinalatan ton ari.

2 Saray Arari 16:10

Nen linmad Damasco si Ari Acaz, ta abeten toy Impirador Tiglat-pileser, anengneng tod may altar. Impawit tod kinen Urias a pari so kinon altar a kaparpara tod amiamin imay altar ed Damasco.

2 Saray Arari 17:20

Impolisay na Katawan iray amin ya Israelita tan impalima to rad saray maruksan kalaban, ya anggad apataynan to ran amin ed arap to.

1 Saray Awaran 5:22

Amayamay iray pinapatey dan kalaban da, lapud linawa na Dios imay bakal. Nanayam irad saman a dalin ya anggad inkibantak dad arum a bansa.

Nehemias 9:32

“O Dios mi, alay talonggaring mo! Makapataktakot tan makapanyarin tuloy! Matoor mon susumpalen so impisipanan mo. Nanlapu lad samay panaon a pinapairap kami na saray ararid Asiria, ontan lay paniirap mi ya anggad natan. Saray arari mi, saray pangulo mi, saray papari tan saray propita mi, saray lalaki mi, tan amin a totoo mi et maniirap ira. Nudnunot mo pa so ontan lan impanirap mi!

Isaias 37:18

Amta min amin, Katawan, a dinederal na saray impirador na Asiria so amayamay a bansa, ginagawa ran andi-kabaliksan iray dalin da,

Josue 19:35

Saray apaliberan na padir a siudad et saraya: Sidim, Ser, Hamat, Racat, Cineret,

Saray Huis 18:30

Inlira na saramay kabyangay tribu nen Dan imay talintao a galangen da, et si Jonatan a lakin anak nen Gersom tan apo nen Moises so pari na saray kabyangay tribu nen Dan tan saray kabyangay boleg nen Jonatan so pari ra ya anggad nibantak ed arum a bansa iray totoo.

2 Saray Arari 8:11

Insan ninengneng a maung nen Eliseo ya anggad binmaing si Hazael. Kabebekta inmakis si Eliseo.

2 Saray Arari 15:20

Pinasoot nen Menahem ya impangiter na limamplon pilak so balang mayaman a too ed Israel. Kanyan amawil lay Impirador Tiglat-pileser ed dilin bansa to.

2 Saray Arari 18:11

Say impirador na Asiria inawit tod Asiria iray Israelitan adakep, insan impanayam to ray arum ed siudad na Hala, saray arum diad Ilog na Habor ed distrito na Gozan, tan saray arum diad saray siudad na Media.

2 Saray Arari 19:11

Nadngelan mo lay ginawa na saray impirador na Asiria ed anggan anton bansan ginetma ton deralen. Abaloan mon makapaliis ka?

Isaias 7:16

Anggan kasakbayan to yan panaon, nataynan iray dalin na saramay duaran ari a manataktakot ed sika.

Ezekiel 23:9

Kanyan impalimak ed saray taga Asiria kainarowan to a mapalaloy panlabay tod sikara.

Amos 5:27

no awiten ta kayon ibantak ed dalin a labas na Damasco,” kuay Katawan a say ngaran to et Makapanyarin-amin a Dios.

Amos 6:14

Say Katawan a Dios a Makapanyarin-amin kuanto, “Totood Israel, mangyakar ak na saray sondalod arum a bansa a manakop ed bansa yo. Pairapen da kayo manlapud Dalan a Hamat diad baybay ya anggad Kolus na Araba diad abalaten.”