2 Saray Arari 15:25 - Maung A Balita Biblia

²⁵ Akikomplut ed limamplon lalakin taga Galaad si Pekas, say lakin anak nen Remalias tan opisyal na saray sondalo nen Pecayas. Pinatey toy Pecayas diad tirinsirad dalem na palasio ed Samaria, insan sinalatan tod nanari.

Maung a Balita Biblia

²⁵ Akikomplut ed limamplon lalakin taga Galaad si Pekas, say lakin anak nen Remalias tan opisyal na saray sondalo nen Pecayas. Pinatey toy Pecayas diad tirinsirad dalem na palasio ed Samaria, insan sinalatan tod nanari.

2 Saray Arari 15:25 Referans Kwoze

2 Saray Arari 15:27

Nen kumalimamplo tan duan taon na panooley nen Ari Uzias ed Juda, nagmaliw ya ari na Israel si Pekas a lakin anak nen Remalias, tan nanayam ed Samaria legan ton nanoley a duamploy taon.

2 Saray Arari 15:10

Impangulo nen Sallum a lakin anak nen Jabes so komplut a sumpad kinen Ari Zacarias; pinatey to ed Ibleam si Zacarias, insan sinalatan ton nanari.

2 Saray Arari 9:14

Siniliban a nilabanan nen Jehu si Ari Joram. Walad Jezreel so ari, ta dimay nila ton pampapaabigan ed saray asugat ed sikato nen akilad bakal ed Ramot-galaad sumpad Ari Hazael na Siria. Kanyan inkuanen Jehu ed saray kapara ton opisyal, “No tuan kagampi yo ak, ag yo papaolyan so siopaman diad Ramot-galaad ya onlad Jezreel a mamasakbay ed saray totood man.”

2 Saray Arari 9:5

tan asabi tod man a mantotongtong iray pangulo na saray sondalo. Inkuanto, “Walay labay kon ibagad sika.” Tinepet nen Jehu, “Siopad sikamiy pitotongtongan mo?” “Sika,” kuanto may propita.

1 Saray Arari 16:9

Nantraidoran nen Zimri a sakey ed saray opisyal ton makaoley ed kapalduad saray karwahi na ari. Aminsan ya agew, maniinom na alak ed Tirza so ari diad abung nen Arza a makaoley ed palasio.

1 Saray Arari 16:18

Nen anengneng nen Zimri ya alooban lay siudad, linmad tirinsira ed dalem na palasio, insan pinoolan toy palasio tan diman la akalut.

2 Saray Arari 15:24

Nanggagawa na kaogsan sumpad Katawan; inalig toy impankakasalanan nen Jeroboam a lakin anak nen Nebat, say arin nilagyat ton nankasalanan so Israel.

2 Saray Arari 15:26

Nisulat ed libron Say Awaran da ray Ararid Israel iray arum nin ginagawa nen Pecayas.

Isaias 7:1

Ginmapoy bakal nen manaarid Juda si Ari Acaz a lakin anak nen Jotam tan apo nen Uzias. Say ari na Siria a si Rezin tan say ari na Israel a lakin anak nen Remalias et dinogpaan day Jerusalem, balet ag da adakep.