2 Saray Arari 15:14 - Maung A Balita Biblia

¹⁴ Nanlapud Tirza si Menahem a lakin anak nen Gadi tan linmad Samaria; pinatey toy Sallum, insan sinalatan ton nanari.

Maung a Balita Biblia

¹⁴ Nanlapud Tirza si Menahem a lakin anak nen Gadi tan linmad Samaria; pinatey toy Sallum, insan sinalatan ton nanari.

2 Saray Arari 15:14 Referans Kwoze

1 Saray Arari 14:17

Tinmaynan imay asawa nen Jeroboam tan pinmawil ed Tirsa. Kaloob tod abung to, inatey so ogaw ya anak to.

1 Saray Arari 16:17

Tinaynan nen Omri tan saray sondalo to so Gibeton, ta nila ran nilooban so Tirza.

1 Saray Arari 16:15

Diad kumaduamplo tan piton taon na impanoley nen Ari Asa ed Juda, nanoley ed Tirza diad Israel na pitoy agew si Zimri. Lolooban ed saman na saray sondalo na Israel so siudad na Gibeton na Filistia,

1 Saray Arari 15:33

Diad kumatlon taon na impanoley nen Ari Asa ed Juda, nagmaliw ya ari na Israel si Baasa a lakin anak nen Ahias, tan nanoley ed Tirza a duamplo tan apat a taon.

1 Saray Arari 15:21

Nen nadngelan nen Ari Baasa so nagagawa, tinondaan toy pamapadir tod Rama tan linma lad Tirza.

2 Saray Arari 15:15

Nisulat ed libron Say Awaran da ray Ararid Israel iray arum nin ginagawa nen Sallum, pati say impangulo ton komplut.

2 Saray Arari 15:17

Nen kumatalomplo tan siam a taon na panooley nen Ari Uzias ed Juda, nagmaliw ya ari na Israel si Menahem a lakin anak nen Gadi, tan nanayam ed Samaria legan ton nanoley a samploy taon.

2 Saray Arari 15:10

Impangulo nen Sallum a lakin anak nen Jabes so komplut a sumpad kinen Ari Zacarias; pinatey to ed Ibleam si Zacarias, insan sinalatan ton nanari.