2 Saray Arari 15:12 - Maung A Balita Biblia

¹² Kanyan asumpal imay sipan na Katawan ed kinen Ari Jehu: “Manari ed Israel iray boleg mo ya anggad kumapat a kailalakan.”

Maung a Balita Biblia

¹² Kanyan asumpal imay sipan na Katawan ed kinen Ari Jehu: Manari ed Israel iray boleg mo ya anggad kumapat a kailalakan.

2 Saray Arari 15:12 Referans Kwoze

2 Saray Arari 10:30

Inkuan na Katawan ed kinen Jehu, “Ginawam ed saray kabyangay boleg nen Acab iray bengatlan labay kon nagawa. Kanyan isipan kod sika a manarid Israel iray kabyangay boleg mo ya anggad kumapat a kailalakan.”

Saray Gawgawa 1:16

“Agagik, nakaukolan a nasumpal so walad Masantod Sulat ya imbaga na Ispiritu Santo, diad panamegley nen David, nipaakar ed kinen Judas ya angipangulo ed saray angerel ed kinen Jesus.

Juan 19:24

Nantotongtong ira may sondalo. Inkuanda, “Ag tayo ya pilaten. Pampapalaranan tayo, pian nanengneng no siopay makala.” Agawa ya pian nasumpal so ibabagay Masanton Sulat: “Nanaapagan da ray kawes ko, tan nampapalaranan day tunikak.” Kanyan onyay ginawa da ray sondalo.

Juan 10:35

Amta tayo ya ag nayarin paandien so ibabaga na Masanton Sulat. Say Dios tinawag toy diriyos iray angitdan toy salita to.

Marcos 13:31

Naandipat so tawen tan dalin, balet ag balut naandipat iray salitak.”

Zacarias 1:6

Diad panamegley na saray aripen kon propita inter kod sikara iray ganggan ko tan pinasakbayan ko ra, balet ag da ra inngalngalep kanyan adusa ra. Insan nagbabawi ra tan binirbir da a siak a Katawan a Makapanyarin-amin et dinusak ira onung na kanepegan da tan onung na ginetmak la.’”

2 Saray Arari 14:29

Inatey si Jeroboam, nipompon ed kamposanto da ray arari, insan sinmalat ed sikaton nanari si Zacarias a lakin anak to.

2 Saray Arari 13:13

Inatey si Jehoas, nipompon ed kamposanto da ray arari diad Samaria, insan sinmalat ed sikaton nanari si Jeroboam ya anak ton laki.

2 Saray Arari 13:10

Nen kumatalomplo tan piton taon na panooley nen Ari Joas na Juda, nagmaliw ya ari na Israel si Jehoas a lakin anak nen Joacaz, tan nanayam ed Samaria legan ton nanoley a labinanem a taon.

2 Saray Arari 13:1

Nen kumaduamplo tan taloy taon na panaarid Juda nen Joas a lakin anak nen Ahazia, nagmaliw ya ari na Israel si Joacaz a lakin anak nen Jehu, tan nanayam ed Samaria legan ton nanoley a labinpitoy taon.

Saray Bilang 23:19

Say Dios et aliwan singa saray totoo a mantila; Aliwan singa too a mangoman na kanunotan to. No antoy insipan to tooren to; No antoy imbaga to sumpalen to.

2 Saray Arari 10:10

Saya so mamaneknek ya ontuan amin iray imbagay Katawan nipaakar ed saray kabyangay boleg nen Acab. Sinumpal na Katawan so insipan to diad panamegley nen propita ton Elias.”

2 Saray Arari 15:11

Nisulat ed libron Say Awaran da ray Ararid Israel iray arum nin ginagawa nen Zacarias.

1 Samuel 3:19

Legan ya ombabaleg si Samuel, walad sikatoy Katawan tan pinapatua to ray amin ya imbabaga nen Samuel.