2 Saray Arari 15:1 - Maung A Balita Biblia

¹ Nen kumaduamplo tan piton taon na panooley nen Ari Jeroboam ed Israel, nagmaliw ya ari na Juda si Uzias a lakin anak nen Amasias.

Maung a Balita Biblia

¹ Nen kumaduamplo tan piton taon na panooley nen Ari Jeroboam ed Israel, nagmaliw ya ari na Juda si Uzias a lakin anak nen Amasias.

2 Saray Arari 15:1 Referans Kwoze

2 Saray Awaran 26:1

Pinili na amin a totood Juda so lakin anak nen Amasias a si Uzias ya onsalat ed kinen ama to a manari. Labinanem so taon to nen pinili ra. (

2 Saray Arari 15:13

Nen kumatalomplo tan siam a taon na panooley nen Ari Uzias ed Juda, nagmaliw ya ari na Israel si Sallum a lakin anak nen Jabes, tan nanayam ed Samaria legan ton nanoley a sakey bulan.

2 Saray Arari 14:21

Insan saray totoo ed Juda kinoronaan dan manari so lakin anak nen Amasias a si Uzias a mantaon na labinanem.

2 Saray Arari 15:8

Nen kumatalomplo tan walon taon na panooley nen Ari Uzias ed Juda, nagmaliw ya ari na Israel si Zacarias a lakin anak nen Jeroboam, tan nanayam ed Samaria legan ton nanoley ya anem bulan.

2 Saray Arari 14:29

Inatey si Jeroboam, nipompon ed kamposanto da ray arari, insan sinmalat ed sikaton nanari si Zacarias a lakin anak to.

2 Saray Arari 15:17

Nen kumatalomplo tan siam a taon na panooley nen Ari Uzias ed Juda, nagmaliw ya ari na Israel si Menahem a lakin anak nen Gadi, tan nanayam ed Samaria legan ton nanoley a samploy taon.

2 Saray Arari 15:23

Nen kumalimamplon taon na panooley nen Ari Uzias ed Juda, nagmaliw ya ari na Israel si Pecayas a lakin anak nen Menahem, tan nanayam ed Samaria legan ton nanoley a duay taon.

Isaias 1:1

Diad sayan libro nisulat iray impasingayew na Dios ed kinen Isaias a lakin anak nen Amoz legan na impanari ed Juda di Uzias, Jotam, Acaz, tan Ezekias.

2 Saray Arari 14:23

Nen kumalabinliman taon na panaarid Juda nen Amasias a lakin anak nen Joas, nagmaliw ya ari na Israel si Jeroboam a lakin anak nen Jehoas, tan nanayam ed Samaria legan ton nanoley ya apataplo tan sakey a taon.

2 Saray Arari 15:27

Nen kumalimamplo tan duan taon na panooley nen Ari Uzias ed Juda, nagmaliw ya ari na Israel si Pekas a lakin anak nen Remalias, tan nanayam ed Samaria legan ton nanoley a duamploy taon.