2 Saray Arari 14:23 - Maung A Balita Biblia

²³ Nen kumalabinliman taon na panaarid Juda nen Amasias a lakin anak nen Joas, nagmaliw ya ari na Israel si Jeroboam a lakin anak nen Jehoas, tan nanayam ed Samaria legan ton nanoley ya apataplo tan sakey a taon.

Maung a Balita Biblia

²³ Nen kumalabinliman taon na panaarid Juda nen Amasias a lakin anak nen Joas, nagmaliw ya ari na Israel si Jeroboam a lakin anak nen Jehoas, tan nanayam ed Samaria legan ton nanoley ya apataplo tan sakey a taon.

2 Saray Arari 14:23 Referans Kwoze

Amos 1:1

Sikara yay salita nen Amos, sakey a pumapastol a taga baley na Tecoa. Duay taon kasakbayan na insabiy yegyeg, nen ari na Juda si Uzias tan si Jeroboam a lakin anak nen Joas so ari na Israel, impaamta na Dios ed kinen Amos ira yan bengatlan nipaakar ed Israel.

Oseas 1:1

Sikato yay sinalita na Katawan ed kinen Oseas a lakin anak nen Beeri legan na panaon na impanarid Juda di Uzias, Jotam, Acaz, tan Ezekias, tan si Jeroboam a lakin anak nen Joas so arid Israel.

2 Saray Arari 14:27

Balet aliwan getma na Katawan a deralen a sigput tan andi-anggaan so Israel, kanyan inyagel to ra diad panamegley nen Ari Jeroboam.

2 Saray Arari 14:22

Abawi nen Uzias so baley na Ela tan pinasimbalo to yan impaalagey kayari na impatey nen ama to.

2 Saray Arari 14:24

Nanggagaway kaogsan sumpad Katawan; inalig toy impankasalanan nen Ari Jeroboam a lakin anak nen Nebat, say arin nilagyat ton nankasalanan so Israel.

2 Saray Arari 10:30

Inkuan na Katawan ed kinen Jehu, “Ginawam ed saray kabyangay boleg nen Acab iray bengatlan labay kon nagawa. Kanyan isipan kod sika a manarid Israel iray kabyangay boleg mo ya anggad kumapat a kailalakan.”

2 Saray Arari 13:13

Inatey si Jehoas, nipompon ed kamposanto da ray arari diad Samaria, insan sinmalat ed sikaton nanari si Jeroboam ya anak ton laki.

2 Saray Arari 14:1

Nen kumadwan taon na panaarid Israel nen Jehoas a lakin anak nen Joacaz, nagmaliw ya arid Juda si Amasias a lakin anak nen Joas.

2 Saray Arari 14:15

Nisulat ed libron Say Awaran da ray Ararid Israel iray arum nin ginagawa nen Jehoas, pati say inkasebeg ton akibakal ed kinen Ari Amasias na Juda.

2 Saray Arari 14:16

Inatey si Jehoas, nipompon ed kamposanto da ray arari diad Samaria, insan sinmalat ed sikaton nanari si Jeroboam ya anak ton laki.

2 Saray Arari 15:1

Nen kumaduamplo tan piton taon na panooley nen Ari Jeroboam ed Israel, nagmaliw ya ari na Juda si Uzias a lakin anak nen Amasias.

1 Saray Awaran 5:17

(Naoksuy ira yan listaan nen panaon na impanoley nen Ari Jotam na Juda tan Ari Jeroboam na Israel.)