2 Saray Arari 13:23 - Maung A Balita Biblia

²³ balet mapangasi tan maabagey so Katawan ed sikara. Ag to inyabuloy a naderal ira, no ag ingen tinulongan to ra, lapud impisipanan tod kindi Abraham, Isaac, tan Jacob. Ag to nilingwanan iray totoo to.

Maung a Balita Biblia

²³ balet mapangasi tan maabagey so Katawan ed sikara. Ag to inyabuloy a naderal ira, no ag ingen tinulongan to ra, lapud impisipanan tod kindi Abraham, Isaac, tan Jacob. Ag to nilingwanan iray totoo to.

2 Saray Arari 13:23 Referans Kwoze

Saray Salmo 105:8

Sumpalen toy impisipanan to ya anggad angga, saray sipan to ya anggad nilibon kailalakan.

2 Saray Arari 14:27

Balet aliwan getma na Katawan a deralen a sigput tan andi-anggaan so Israel, kanyan inyagel to ra diad panamegley nen Ari Jeroboam.

Saray Salmo 86:15

Balet sika, Katawan, mapangasi tan maaro kan Dios, maanos ka, maabagey tan matoor ka lawas.

2 Saray Arari 24:20

Lapud mapalalon pasnuk na Katawan, pinaekal tod arap to iray totood Jerusalem tan saray totood Juda.

2 Saray Arari 17:18

Mapalalo sirin so pasnuk na Katawan ed saray Israelita, kanyan pinataynan to rad arap to tan intilak to labat so nanarian na Juda.

1 Saray Arari 8:28

Katawan a Dios ko, dengel mo pay pikakasik tan saray kerew ko natad sayan agew, siak ya aripen mo.

2 TESALONICA 1:9

Manlikna ray dusa, salanti say andi-anggaan a kaderal da tan say kiarawi rad arap na Katawan tan diad mapagalang a pakayari to.

Mateo 25:41

“Insan ikuantod saray walad nikawigi to, ‘Arawi kayod siak, sikayo ran insambay Dios! Lakayod apoy ya andi-anggaan a niparaan ed Diablo tan saray anghil to!

Saray Tagleey 3:32

Anggaman a panermenen to itayo, kasian to tayo onung na daakan ya ag mangoman a panangaro to.

Jeremias 12:15

Balet kayarik iran pataynanen, kasian ko ra; ipawil koy balang too ed dilin baley to tan diad dilin bansa to.

Saray Salmo 51:11

Ag mo ak pa patataynanen ed arap mo; ag mo pa eekalen ed siak so masanton ispiritum.

Saray Huis 10:16

Kanyan imbabantak da ray kayaryan dan diriyos na arum a bansa, tan inggalang da lay Katawan; et agunigon so Katawan lapud kakairapan na saray Israelita.

Deuteronomio 32:36

Say Katawan iyagel to ray totoo to no nanengneng ton naandi lay biskeg da. Kasian to ray manlingkur ed sikato, no nanengneng ton pangaskasiyay awawey da.

Levitico 26:42

nunoten koy impisipanan kod kinen Jacob, tan diad kinen Isaac tan diad kinen Abraham, tan pasimbaloen koy sipan ko ya iter kod saray totook so dalin.

Exodo 33:19

Inmebat so Katawan, “Ipadalan kod arap mo so amin a kaabigan ko tan ibawag koy ngaran ko a Yahweh. Aroen tan kasian ko ray pilien ko.

Genesis 6:3

Insan inkuan na Katawan, “Ag ko iyabuloy a mambilay ya anggad angga iray katoowan; ompatey ira. Manlapud natan, mambilay iray ag onsoluk ed sanlasus tan duamploy taon.”

2 Saray Arari 13:24

Kapatey nen Ari Hazael na Siria, nagmaliw ya ari si Ben-hadad ya anak ton laki.

2 Saray Arari 13:4

Insan nampikasid Katawan si Joacaz, et inebatan na Katawan so pikakasi to, lapud pakanenengneng tod ontan lan pamapairap na ari na Siria ed saray Israelita.

2 Saray Arari 14:26

Anengneng na Katawan so makapasinagem a paniirap na saray Israelita; anggapon balut so ontulong ed sikara.

2 Saray Arari 17:20

Impolisay na Katawan iray amin ya Israelita tan impalima to rad saray maruksan kalaban, ya anggad apataynan to ran amin ed arap to.

2 Saray Arari 17:23

ya anggad pinataynan na Katawan irad arap to onung na sinalita to diad panamegley na saray aripen ton propita. Kanyan niakar ya adakep ed Asiria iray Israelita, a dimay panaayaman da ni ya anggad natan.

Saray Salmo 78:38

Balet say Dios mapangasid saray totoo to. Pinirdona to ray kasalanan da tan ag to ra pinatey. Naynay a pinokpokan toy pasnuk to, tan pinabetel toy petang na olo to.

Saray Salmo 105:9

Sumpalen toy impipakna tod kinen Abraham tan say insipan tod kinen Isaac.

Saray Salmo 106:45

Lapud sikara, anunotan toy impisipanan to, tan lapud baleg a panangaro to nansalat na kanunotan.