2 Saray Arari 13:20 - Maung A Balita Biblia

²⁰ Inatey si Eliseo, insan nipompon. Tinaon a dodogpaan na saray olup da ray Moabita so dalin na Israel.

Maung a Balita Biblia

²⁰ Inatey si Eliseo, insan nipompon. Tinaon a dodogpaan na saray olup da ray Moabita so dalin na Israel.

2 Saray Arari 13:20 Referans Kwoze

2 Saray Arari 24:2

Say Katawan angibaki na saray olup na saray sondalon taga Babilonia, Siria, Moab, tan Ammon, ta labanan day Joakim tan deralen day Juda, onung na gawaen na Katawan ya imbaga to diad panamegley na saray aripen ton propita.

2 Saray Arari 3:7

Impaibaga to ed kinen Ari Josafat na Juda: “Onlalaban ed siak so ari na Moab; labay mon ibaan ak a mibakal ed sikato?” “Labay ko,” ebat nen Josafat. “No akaparaan kayo, akaparaan kami met, siak, saray sondalok tan saray kabayok.

Saray Gawgawa 8:2

Wala ray pigaran totoon matoor ya angipompon ed bangkay nen Esteban, tan ontan lay impannangis da.

2 Saray Awaran 24:16

Impompon da ed saray pantion da ray arari diad Siudad nen David, lapud impamirbir da ed impanlilingkur tod saray totood Israel, diad Dios, tan diad Timplo.

2 Saray Arari 6:23

Kanyan imparaanan ira na ari ed Israel na baleg a ponsia; kayari ran angan tan inminom, imbaki to la rad ari na Siria. Nanlapu lad saman tinondaan la na saray Siriano so ondogpa ed dalin na Israel.

2 Saray Arari 5:2

Diad aminsan ya indogpa na saray Siriano ed Israel, angawit ira na sakey a melag ya Israelitan bii a nagmaliw ya aripen na asawa nen Naaman.

2 Saray Arari 3:5

Balet nen inatey lay Ari Acab na Israel, linmaban ed Israel si Mesa.

Saray Huis 3:12

Nankasalanan lamet ed Katawan iray Israelita. Lapud sayan ginawa ra, say Katawan impagmaliw ton mabiskeg niy Ari Eglon na Moab nen say Israel.

Genesis 48:1

Ag abayag ed samay impantongtong dan sanama, nibagad kinen Jose a mansasakit si ama to. Kanyan intagar to ray duaran lalakin anak to a di Manases tan Efraim, ta nengnengen day Jacob.

Genesis 49:33

Kayarin binilin nen Jacob iray anak ton lalaki, pinmawil a dinmokul, insan inatey.

Zacarias 1:5

Inaatey la ra may lalaki yo tan saramay propita.