2 Saray Arari 12:19 - Maung A Balita Biblia

¹⁹ Nisulat ed libron Say Awaran da ray Ararid Juda iray arum nin ginagawa nen Ari Joas.

Maung a Balita Biblia

¹⁹ Nisulat ed libron Say Awaran da ray Ararid Juda iray arum nin ginagawa nen Ari Joas.

2 Saray Arari 12:19 Referans Kwoze

2 Saray Arari 8:23

Nisulat ed libron Say Awaran da ray Ararid Juda iray arum nin ginagawa nen Jehoram.

1 Saray Arari 14:29

Nisulat ed libron Say Awaran da ray Ararid Juda iray arum nin ginagawa nen Ari Roboam.

1 Saray Arari 14:19

Nisulat ed libron Awaran da ray Ararid Israel iray arum nin ginagawa nen Ari Jeroboam, saray bakal ya akilabanan to, tan no panoy impanoley to.

1 Saray Arari 11:41

Nisulat ed libron Say Awaran nen Solomon iray arum nin gawgawa tan say nipaakar ed kakabatan nen Solomon.

2 Saray Arari 12:18

Inala nen Ari Joas na Juda iray amin a bagat ya insaklang ed Katawan na saray akaonan nanoley nen say sikato a di Ari Josafat, Jehoram, tan Ahazia. Inyarum to ra ed saray dilin bagat to, tan saray amin a balituk a walad saray pananginay kayamanan ed Timplo tan palasio, insan to ra inter a rigalo ed kinen Ari Hazael. Kanyan tinaynan nen Hazael tan saray sondalo to so Jerusalem.

2 Saray Arari 12:20

Si Ari Joas nankokomplutan a nilabanan na saray opisyal to; duarad sikara, si Josacar a lakin anak nen Simeat tan si Jozabad a lakin anak nen Somer, so amatey ed sikato diad abung a nipaalagey ed pasen a tinabunan diad bokig na Jerusalem tan walad dalan a mamaarap ed Sila. Nipompon si Joas ed kamposanto da ray arari diad Siudad nen David, insan sinmalat a nanari si Amasias a lakin anak to.

1 Saray Arari 15:18

Kanyan inala nen Ari Asa iray amin a pilak tan balituk ya atilak nid dalem na Timplo tan diad dalem na palasio, insan to ingganggan iray pigaran opisyal to ya iyakar da rad Damasco. Diad Damasco so panaayaman na ari na Siria a si Ari Ben-hadad a lakin anak nen Tabrimon tan apo nen Hezion. Inter dad ari imay pilak tan balituk, insan da sinalita so papaibaga nen Ari Asa:

2 Saray Arari 16:8

Inala nen Acaz iray pilak tan balituk ed Timplo tan diad pananginay kayamanan ed palasio, insan to ra impairigalod impirador.

2 Saray Arari 18:15

Inter sirin nen Ezekias ya amin iray pilak a walad dalem na Timplo tan saray pilak a walad pananginay kayamanan ed palasio;

2 Saray Arari 18:16

inekal to met iray balituk a walad saray puirtay timplo, tan saray balituk ya impaipeket ton dili ed saray lusek na puirta, insan to ra inter ed kinen Senakerib.