2 Saray Arari 12:18 - Maung A Balita Biblia

¹⁸ Inala nen Ari Joas na Juda iray amin a bagat ya insaklang ed Katawan na saray akaonan nanoley nen say sikato a di Ari Josafat, Jehoram, tan Ahazia. Inyarum to ra ed saray dilin bagat to, tan saray amin a balituk a walad saray pananginay kayamanan ed Timplo tan palasio, insan to ra inter a rigalo ed kinen Ari Hazael. Kanyan tinaynan nen Hazael tan saray sondalo to so Jerusalem.

Maung a Balita Biblia

¹⁸ Inala nen Ari Joas na Juda iray amin a bagat ya insaklang ed Katawan na saray akaonan nanoley nen say sikato a di Ari Josafat, Jehoram tan Ahazia. Inyarum to ra ed saray dilin bagat to, tan saray amin a balituk a walad saray pananginay kayamanan ed Timplo tan palasio, insan to ra inter a rigalo ed kinen Ari Hazael. Kanyan tinaynan nen Hazael tan saray sondalo to so Jerusalem.

2 Saray Arari 12:18 Referans Kwoze

1 Saray Arari 15:18

Kanyan inala nen Ari Asa iray amin a pilak tan balituk ya atilak nid dalem na Timplo tan diad dalem na palasio, insan to ingganggan iray pigaran opisyal to ya iyakar da rad Damasco. Diad Damasco so panaayaman na ari na Siria a si Ari Ben-hadad a lakin anak nen Tabrimon tan apo nen Hezion. Inter dad ari imay pilak tan balituk, insan da sinalita so papaibaga nen Ari Asa:

2 Saray Awaran 16:2

Kanyan angala si Ari Asa na pilak tan balituk ed kayamanan na Timplo tan palasio, insan to imbakid Damasco iray pigaran opisyal to. Diad Damasco so panaayaman na ari ed Siria a si Ari Ben-hadad. Inter dad ari may pilak tan balituk, insan da sinalita so papaibaga nen Ari Asa:

2 Saray Arari 16:8

Inala nen Acaz iray pilak tan balituk ed Timplo tan diad pananginay kayamanan ed palasio, insan to ra impairigalod impirador.

2 Saray Arari 12:4

Tinawag nen Joas iray papari, insan to ra ingganggan ya isinup da ray kuartan nibabayar nipaakar ed saray bagat diad Timplo—saray inagew-agew a napapasegep nipaakar ed saray bagat, tan saray kuartan mabolus a niiter.

1 Saray Arari 14:26

Imbatik ton amin iray kayamanan ed dalem na Timplo tan palasio, pati saray balituk a samper a ginagawa nen Solomon.

2 Saray Arari 12:19

Nisulat ed libron Say Awaran da ray Ararid Juda iray arum nin ginagawa nen Ari Joas.

2 Saray Arari 14:14

Inala ton amin iray balituk tan pilak a nalmo to, amin a kagawaan ed timplo tan amin a kayamanan ed palasio, insan inawit to ran amin ed Samaria. Angawit met na saray totoon pamasengegan toy panumpal na labay ton nagawa.

Joel 3:5

Inaala yo ray pilak ko tan saray balituk ko tan inyaakar yod saray timplo yo iray kayamanan ko.

2 Saray Arari 8:12

“Akin et manakis ka?” tepet nen Hazael. Inmebat si Eliseo, “Lapud amtak so gawaen mon kaogsan ed saray totood Israel. Poolan mo ray tirinsira ra, pateyen mod panamegley na ispada ray babalolaki ra, ibakbak mod dalin ya anggad ompatey iray anak da, tan butyakan mo ray malokun da.”

2 Saray Awaran 24:17

Balet kapatey nen Joiada, tinanggoyur na saray pangulo na Juda si Ari Joas ya ondengel ed sikara.