2 Saray Arari 11:15 - Maung A Balita Biblia

¹⁵ Ag labay nen Joiada a napatey ed solar na Timplo si Atalia, kanyan ingganggan tod saray opisyal na sondalo: “Ipaway yon idalan ed leet na saray dasig da ray sondalo, tan patey yoy siopaman a mangyagel ed sikato.”

Maung a Balita Biblia

¹⁵ Ag labay nen Joiada a napatey ed solar na Timplo si Atalia, kanyan ingganggan tod saray opisyal na sondalo: Ipaway yon idalan ed leet na saray dasig da ray sondalo, tan patey yoy siopaman a mangyagel ed sikato.

2 Saray Arari 11:15 Referans Kwoze

Ezekiel 21:14

“Sikan too a ompatey, mampropisiya ka natan. Mantipak ka, et ondoyuk lan ondoyuk so ispada. Say ispada so mamatey, ispada a manaktakot tan mamatey na amayamay a totoo.

Ezekiel 9:7

Inkuan na Dios ed sikara, “Dotakan yoy Timplo. Pano yo na bangkay iray patio to. Igapo yo lay kimey yo!” Kanyan inggapo ray nampapatey na saray totoo ed dalem na siudad.

2 Saray Awaran 23:14

Ag labay nen Joiada a napatey ed solar na Timplo si Atalia, kanyan ingganggan tod saray opisyal na sondalo, “Ipaway yod dalan ed leet na saray dasig da ray sondalo, tan patey yoy siopaman a mangyagel ed sikato.”

2 Saray Awaran 23:9

Inter nen Joiada ed saray opisyal iray pika tan saray samper a kayaryan nen Ari David a nisinup ira ed Timplo.

2 Saray Arari 11:4

Balet nen kumapiton taon, si Joiada a pari impatawag tod Timplo iray opisyal a makaoley ed saray umaantabay na ari tan saray bantay na palasio. Diad dalem na Timplo impansamba to ran onabubon ed gawaen to. Impanengneng tod sikaray Joas a lakin anak nen Ari Ahazia,

Saray Gawgawa 21:30

Agoloy intiron siudad, tan kibatiktik iray totoon dinmadago. Siningkat day Pablo, tan inggayugoy dad paway na Timplo, insan da insaran tampol iray puirta.

2 Saray Arari 11:14

Anengneng tod man so balon ari a manalalagey ed abay na lusek ed lolooban na Timplo, onung na naogaliyan. Aliber na saray opisyal tan saray managtrumpita so ari, tan malikeliket a maneeyag tan mampapaknul na trumpita iray totoo. Diad inkagunigon to ginebyas toy kawes to tan ineyag to, “Sumlang ya ed pakaoley! Sumlang ya ed pakaoley!”

2 Saray Arari 11:16

Siningkat da, inyakar dad palasio, insan da pinatey ed Puirtay Kabayo.

Exodo 21:14

Balet no say sakey a too et akapasnuk tan ginagala ton pinatay so kapara ton too, nepeg ya alaen a pateyen anggan binmatik lad altar ko.