2 Saray Arari 10:27 - Maung A Balita Biblia

²⁷ Dineral da sirin so masanton lusek tan say timplo, insan da ginawan kasilyas—a wadman ni ya anggad natan.

Maung a Balita Biblia

²⁷ Dineral da sirin so masanton lusek tan say timplo, insan da ginawan kasilyasa wadman ni ya anggad natan.

2 Saray Arari 10:27 Referans Kwoze

Daniel 3:29

“Et natan, igaganggan ko a tegtegtegen so laman na siopaman a taga dinanman a bansa, anggan antoy kolor na baog to tan salita to, a mansalitay sumpad Dios di Sadrac, Mesac, tan Abednego. Gawaen a bontun na deral-deral so abung to. Anggapoy arum a dios a makapangyagel na onya.”

Daniel 2:5

Inkuan na ari ed sikara, “Tinibokel ko lad kanunotan ko a nepeg ya ibaga yod siak so kogip, insan yo ibagay kabaliksan to. No ag yo nibaga, tartaren ta kayo tan deral-deralen koy kaabungan yo.

Esdras 6:11

Igaganggan ko met ni a siopaman ya onsumpad sayan ganggan ko ekalen ed abung to so sakey a panuksolan, otukan ed sakey a ngoro, insan idoyuk ed kabalgan to. Insan pagmaliwen a bunton na deralderal so abung to.

1 Saray Arari 16:32

Nanggawad Samaria na timplo nen Baal, inggawaan to met na altar, insan to inyan ed dalem na timplo.

2 Saray Arari 18:4

Dineral to ray paganon pasen a panangigalangan, inggeba to ray lusek a bato tan saray talintao nen diosan Asera. Minekmek to met imay ginawa nen Moises a gansan oleg ya atawag na Nehustan, ta anggad saman a panaon nampopool ni ray Israelita na insinso a pamagalang dad samay gansan oleg.

Deuteronomio 7:25

Poolan yo ray talintaoy diriyos da. Ag yo pampipilalekan a nakayaryan yo ray balituk odino pilak ya akasolung ed sikara. Ag yo ra aalaen a para sikayo. No alaen yo ran para sikayo, magmaliw iran patit ed sikayo, lapud kabosul na Katawan so pangigalang ed talintaoy dios.

Deuteronomio 7:5

Kanyan sirin, igeba yo ray altar da, deral yo ray masanton baton lusek da, batang yo ray tanda na diosa ran Asera, tan poolan yo ray talintaoy diriyos da.

Levitico 26:30

Deralen ko ray pasen a panangigalangan yo ed tapew na saray kapokdulan, igebak iray altar a panagpoolan yoy insinso, tan ibontuk kod saray atumtumban talintaoy diriyos iray bangkay yo. Diad gaway pasnuk ko,

2 Saray Arari 10:28

Onya so impamatonda nen Jehu ed panangigalang ed Baal diad Israel.

2 Saray Arari 11:18

Linmad timplo nen Baal iray totoo, insan da inggeba; minekmek da ray altar tan saray wadman a talintaoy diriyos, tan pinatey dad arap na saray altar si Matan a pari nen Baal. Wala ray impanbantay nen Joiada ed Timplo,

Exodo 34:13

Igeba yo ingen iray altar da, deral yo ray masanton lusek da, tan batang yo ray tanda na diosa ran Asera.

2 Saray Arari 3:2

Nankasalanan ed Katawan, balet aliwan singa inkaoges nen ama to odino si ina ton Jezebel so inkaoges to; inggeba toy impaalagey nen ama to a baton lusek a panangigalangan ed Baal.