2 Saray Arari 10:15 - Maung A Balita Biblia

¹⁵ Intuloy nen Jehu so panaakar to, tan diad dalan nabet nen Jonadab a lakin anak nen Recab. Imbano nen Jehu tan kuanto, “Sika tan siak et namparay kanunotan ta. Antoy kuanmo, tulongan mo ak?” “On, tulongan ta ka,” ebat nen Jonadab. “Iderew mod siak sirin so limam,” ebat nen Jehu. Nambenbenan iray lima, insan tinulongan nen Jehu ed inlogan tod karwahi,

Maung a Balita Biblia

¹⁵ Intuloy nen Jehu so panaakar to, tan diad dalan nabet nen Jonadab a lakin anak nen Recab. Imbano nen Jehu tan kuanto, Sika tan siak et namparay kanunotan ta. Antoy kuanmo, tulongan mo ak? On, tulongan ta ka, ebat nen Jonadab. Iderew mod siak sirin so limam, ebat nen Jehu. Nambenbenan iray lima, insan tinulongan nen Jehu ed inlogan tod karwahi,

2 Saray Arari 10:15 Referans Kwoze

Ezekiel 17:18

Sinumlang toy sinambaan to tan say impipaknaan to. Ginawa to ra yan amin, kanyan natan ag makabatik.”

Esdras 10:19

Insipan dan isian da ray kaasawaan da, insan angibagat iray sakey a karniron kalakyan a pangekal ed saray kasalanan da.

1 Saray Awaran 2:55

Manaayam ed baley na Jabes iray onggendan a boleg a marunong a mansulat tan mansakal na saray kasulatan: saray Tirateo, Simateo, tan Sucateo. Sikara yay Cineo ya akiasawa tan anga-asawa ed saray Recabita.)

TAGA GALACIA 4:12

Kerewen kod sikayo, agagi, ya alig yo ak ta nagmaliw ak met a singa sikayo. Anggapoy kaogsan a ginawa yod siak.

TAGA GALACIA 2:9

Naamtaan di Santiago, Pedro, tan Juan, saray nabibirbir a lusek na iglisia, a say Dios so angiter ed siak na sayan nidoman kimey. Kanyan pinasamano da kami nen Bernabe a tanda na impangawat dad sikamin kakimeyan da. Nampapaknaan min onla kamid saray Hintil, tan onla ra balet ed saray Judio.

Saray Gawgawa 8:31

Inmebat imay yunuko, “Panoy pakatalus ko no anggapoy mangipatalus ed siak?” Inimbitaan ton onlogan si Felipe. Linmogan si Felipe tan inmirung ed abay to.

2 Saray Arari 10:13

nabet to ray pigaran kakanayon nen Ahazia a nanari ed Juda tan tinepet tod sikara, “Siopa kayo?” “Kakanayon kami nen Ahazia,” ebat da. “Onla kamid Jezreel, ta bisitaen mi ray anak nen Riyna Jezebel tan saramay arum a kabyangay pamilya na ari.”

2 Saray Arari 9:21

“Iparaan yoy karwahik,” ganggan nen Joram. Asumpal so ganggan to, insan ira linmogan nen Ari Ahazia ed dilin karwahi ra, ta abeten day Jehu. Nabet da ed alog a kayaryan nen Nabot.

Genesis 47:10

Kasakbayan ya inmalis si Jacob binindisionan to may ari, insan la linma.

Genesis 47:7

Insan inyakar nen Jose ed ari so ama to. Si Jacob initdan toy ari na bindision to.

Genesis 31:55

Kabkabwasan, inaanguban nen Laban iray apo to tan saray anak ton bibii a pamasiput tod sikara, insan la sinmempet.

2 Saray Arari 10:14

Ingganggan nen Jehu ray totoo to, “Ala yo ran mabilay!” Inerel da ra, insan da ra pinatey ed abay na aralem ya abut diman. Apataplo tan dua ran amin; anggapoy anggan sakey ed sikaray atilak a mabilay.

Jeremias 35:2

“Lakad boleg na saray Recabita tan misalita kad sikara. Insan inyakar mo rad sakey ed saray kuarto na Timplo tan itdan mo ray alak.”

1 Saray Arari 20:33

Inimano na saray opisyal nen Ben-hadad so maung a pakapatnagan, et nen inkuanen Acab so “agi” sinambot dan inkuan, “On, tua tay kuanmo, agim si Ben-hadad!” “Awit yo dia,” ganggan nen Acab. Kasabi nen Ben-hadad, inimbitaan nen Acab a manloganan irad karwahi.

Nehemias 3:14

Pinasimbalon impaalagey nen Malkias a lakin anak nen Recab tan manoley na distritoy Betha-kerim so Puirta na Deral-deral. Inlira to ray puirta, insan to inyan iray balewet a pangisarad puirta.

Saray Salmo 94:16

Siopay angitalindeg ed siak ed saray totoon maoges? Siopay angibad siak diad insumlang kod saray managgaway kaogsan?