2 Saray Arari 10:10 - Maung A Balita Biblia

¹⁰ Saya so mamaneknek ya ontuan amin iray imbagay Katawan nipaakar ed saray kabyangay boleg nen Acab. Sinumpal na Katawan so insipan to diad panamegley nen propita ton Elias.”

Maung a Balita Biblia

¹⁰ Saya so mamaneknek ya ontuan amin iray imbagay Katawan nipaakar ed saray kabyangay boleg nen Acab. Sinumpal na Katawan so insipan to diad panamegley nen propita ton Elias.

2 Saray Arari 10:10 Referans Kwoze

1 Saray Arari 21:29

“Naimanom no panoy impamaabeba nen Acab ed sikaton dili diad arap ko? Lapud onyan ginawa to, ag ko iter ed sikato so dusa legan ton mambilay; legan na pambilay na anak ton laki, iter koy dusa ed saray kabyangay pamilya nen Acab.”

1 Saray Arari 21:19

Ibagam ed sikato a siak, say Katawan, kuankod sikato, ‘Anta pinatey mo la may too, alaen mo ni lamet so kayaryan to?’ Ibagam ed sikaton onyay kuanko, ‘Dildilan na saray aso so dalam ed pasen a nandildilan na saray aso ed dala nen Nabot!’”

Zacarias 1:6

Diad panamegley na saray aripen kon propita inter kod sikara iray ganggan ko tan pinasakbayan ko ra, balet ag da ra inngalngalep kanyan adusa ra. Insan nagbabawi ra tan binirbir da a siak a Katawan a Makapanyarin-amin et dinusak ira onung na kanepegan da tan onung na ginetmak la.’”

2 Saray Arari 9:36

Nen imbaga ra ya ed kinen Jehu, inkuanto, “Onyay imbaga na Katawan a nagawa nen nansalita diad panamegley nen Elias: ‘Siraen na saray aso ed dalin Jezreel so bangkay nen Jezebel.

1 Samuel 15:29

Say mapagalang a Dios na Israel et ag mantila o mangoman na kanunotan. Aliwan too a mangoman na kanonutan.”

1 Samuel 3:19

Legan ya ombabaleg si Samuel, walad sikatoy Katawan tan pinapatua to ray amin ya imbabaga nen Samuel.

Marcos 13:31

Naandipat so tawen tan dalin, balet ag balut naandipat iray salitak.”

2 Saray Arari 10:17

Kasabi rad man, pinatey nen Jehu ray amin a kakanayon nen Acab; anggapoy intilak to ya anggan sakey, onung na imbagay Katawan diad panamegley nen Elias.

2 Saray Arari 15:12

Kanyan asumpal imay sipan na Katawan ed kinen Ari Jehu: “Manari ed Israel iray boleg mo ya anggad kumapat a kailalakan.”

Ester 6:10

Insan inkuanen ari, “Ganatan mon alaen imay kawes tan samay kabayo, tan gawam ed kinen Mardokeo a Judio iray amin ya imbagam a nagawa. Wadman natan a manyodyorung ed lolooban na palasio.”