2 Saray Arari 1:4 - Maung A Balita Biblia

⁴ Ibaga yod ari ya onya so ibabagay Katawan, ‘Ag ka la onabig ed inkasakitan mo; ompatey ka la!’” Sinumpal nen Elias so ingganggan na Katawan,

Maung a Balita Biblia

⁴ Ibaga yod ari ya onya so ibabagay Katawan, Ag ka la onabig ed inkasakitan mo; ompatey ka la! Sinumpal nen Elias so ingganggan na Katawan,

2 Saray Arari 1:4 Referans Kwoze

Ezekiel 18:4

Kayaryan ko so bilay na amin a too, say bilay da ray atateng tan say bilay da ray anak. Say toon mankasalanan sikato so ompatey.

Genesis 3:4

Inkuanto may oleg, “Aliwan tua tan; ag kayo ompatey.

Genesis 2:17

balet ag ka mamangan na bunga na samay kiew a mangiiter na pakaamta ed maung tan maoges. Ag nepeg a kanen so bunga na saman a kiew; ta no kanen mo, ompatey ka diad agew a pangan mo.”

Probirbio 11:19

Mambilay so toon pilalek to lawas so manggaway katonungan, balet ompatey so toon ipasoot toy manggaway kaogsan.

2 Saray Arari 1:16

Inkuantod ari, “Onya so ibabagay Katawan: ‘Lapud angibaki ka na saray mangipanon ed Baalzebub a dios na Ekron—a singa anggapo lay Dios na Israel a pangipanonan—ag ka la onabig; ompatey ka la!’”

1 Samuel 28:19

Ipalima to ka tan say Israel ed Filistia. Nabwas sika tan say anak mo et mitipon kayod siak, tan ipalima met na Katawan ed Filistia iray sondalo na Israel.”

Probirbio 14:32

Saray totoon maoges dederalen na saray dilin kaogsan da; balet saray totoon matonung iyaagel ira na dilin kamaungan da.

2 Saray Arari 1:6

Inmebat ira, “Inabet kami na sakey a laki tan imbaga ton ompawil kamid sika, ta ibaga mid sika so ibabagay Katawan, ‘Anggapo ta lay Dios na Israel, kanyan mangibabaki kay mangipanon ed Baalzebub a dios na Ekron? Ag ka la onabig ed inkasakitan mo; ompatey ka la!’”

1 Saray Arari 14:12

Intuloy nen Ahias ya inkuan ed kinen asawa nen Jeroboam, “Sempet ka la. Ompatey so ogaw ya anak mo kaloob mod baley.

Saray Bilang 26:65

Imbaga la na Katawan ya ompatey iran amin ed kalawakan likud ed kinen Caleb a lakin anak nen Jefone tan si Josue a lakin anak nen Nun. Inatey iran amin a tua likud ed saramay duara.

2 Saray Arari 1:5

tan amawil ed ari ira may imbaki to. “Akin et pinmawil kayo?” tepet na ari.

1 Saray Arari 18:2

Linma sirin si Elias. Mapalalo lan tuloy natan so eras ed Samaria,

2 Saray Arari 8:10

Inmebat si Eliseo, “Ibagam ed sikaton onabig ni; balet impaamtad siak na Katawan ya ompatey met lamlamang.”

2 Saray Arari 20:1

Legan to met ira man ya agew, nansakit si Ari Ezekias tan ngalngali inatey. Linmad sikato si propita Isaias a lakin anak nen Amoz tan kuantod sikato, “Ibabaga na Katawan ya oksuy mo lan amiy bengatla, ta ag ka la onabig. Mamparaan kan ompatey.”