2 Samuel 9:11 - Maung A Balita Biblia

¹¹ Inmebat si Siba, “Gawaen koy amin ya ingganggan mo, Kagalgalang kon Ari.” Kanyan angakan si Mefiboset ed lamisaan na ari, a singa sakey ed saray lalakin anak na ari.

Maung a Balita Biblia

¹¹ Inmebat si Siba, Gawaen koy amin ya ingganggan mo, Kagalgalang kon Ari. Kanyan angakan si Mefiboset ed lamisaan na ari, a singa sakey ed saray lalakin anak na ari.

2 Samuel 9:11 Referans Kwoze

2 Samuel 19:26

Inmebat, “Kagalang kon Ari, onung na kabat mo met la, sakey ak a lopuy. Imbagak ed aripen ko ya ilogan to ak ed asnok, pian makapila ak ed sika, balet pinalikdo to ak.

2 Samuel 19:17

Kaiba to ray sanlibon lalaki a nanlapud tribu nen Benjamin. Si Siba ya aripen na pamilya nen Saul tan saray labinliman anak ton lalaki tan duamplon aripen to et linma ra met ed Jordan kasakbayan na isabiy ari.

2 Samuel 9:10

Sika, saray anak mo, tan saray aripen mo so ondalus ed dalin para sikato; iter yod sikatoy naani, pian walay taganoy pamilya to. Balet si Mefiboset mangan lawas ed lamisaan ko.” (Si Siba labinliman lalaki so anak to tan duamplo so aripen to.)

2 Samuel 9:12

Si Mefiboset walay malangwer ya anak ton laki a manngaray Mica. Nagmaliw ya aripen nen Mefiboset iray amin a kabyangay pamilya nen Siba.

2 Samuel 9:13

Kanyan nanayam ed Jerusalem si Mefiboset a lopuy iray sali to. Diad lamisaan na ari so angakanan to lawas.

2 Samuel 19:24

Insan sinmabin mangabet ed ari si Mefiboset ya apo nen Saul. Ag to inorasan so sali to, ag to pinotutan so balbas to, odino impesak so kawes to nanlapu lad intaynan na ari ed Jerusalem ya anggad impawil ton sipapalabo.

2 Samuel 15:15

Inmebat ira, “On, Kagalang min Ari, wadya kamin akaparaan a manggawa na antokaman ya ibagam.”