2 Samuel 9:1 - Maung A Balita Biblia

¹ Aminsan ya agew tinepet nen David, “Wala niy atilak kasin kabyangay pamilya nen Saul? No wala ni, labay kon kasian makasengeg ed kinen Jonatan.”

Maung a Balita Biblia

¹ Aminsan ya agew tinepet nen David, Wala niy atilak kasin kabyangay pamilya nen Saul? No wala ni, labay kon kasian makasengeg ed kinen Jonatan.

2 Samuel 9:1 Referans Kwoze

1 Samuel 20:42

Insan inkuanen Jonatan ed kinen David, “Wala komuy Dios ed sika. Andi-duaruwan ontulong so Katawan pian sika tan siak, saray kabyangan na boleg mo tan saray kabyangan na boleg ko, et tooren tayon anggad angga so masanton sipanan tan dua.” Insan tinmaynan lay David tan amawil lad baley si Jonatan.

Mateo 25:40

Onebat so Ari ed sikara, ‘Kuankod sikayo: nen ginawa yo yad anggan sakey a sankamelagan ed sarayan agagik, ginawa yod siak!’

1 Pedro 3:8

Kaonuran, nepeg a mankakasakey kayod kanunotan tan liknaan. Nepeg a panaaroway sanaagi so panaarowan yo; mapangasi tan mapaabeba kayo.

Marcos 9:41

Tandaan yo ya! Siopamay mamainom na danum ed sikayo lapud mananombuk kayo nen Cristo, walay awaten ton awaten a tumang to.”

1 Saray Arari 2:7

“Balet kasian mo ray lalakin anak nen Barsillai a taga Galaad; itdan mo ra lawas na nakaukolan da, ta kinasian da ak nen ibabatikan koy agim ya Absalom.

2 Samuel 1:26

“Panermenan ta ka, agik a Jonatan; pinabpabli ta ka! Makapakelaw so panangarom ed siak, pinalabsanan toy anggan say panangaro na saray bibii.

Probirbio 27:10

Ag mo lilingwanan iray kakaarom, odino saray kakaaro nen amam. No wala kad gunigon ag ka onkekerew na tulong ed agim; natulongan ka ni na kaabay mo nen say agim a walad arawi.

Mateo 10:42

Tandaan yo ya! Say mangiter na anggan sakey a bason ambetel a danum ed sakey ed saray sankaabebaan a disipulok, lapud sikatoy disipulok, walay awaten ton awaten a tumang to.”

2 Samuel 9:7

“Ag ka natatakot,” ebat nen David. “Kasian ta ka makasengeg ed kinen amam a Jonatan. Ipawil kod sikay amin a dalin a kayaryan nen lakim a Saul, tan mangan ka lawas ed lamisaan ko.”

2 Samuel 21:7

Balet lapud samay masanton sipanan dan dua nen Jonatan, ag to impalima si Mefiboset a lakin anak nen Jonatan tan apo nen Saul.