2 Samuel 6:20 - Maung A Balita Biblia

²⁰ Ag abayag sinmempet met lay David a mangilugay ed pamilya to. Pinmaway ya onabet ed sikato si Micol tan inkuanto, “Sayan agew ontan lay impangitanduro na arid Israel ed sikaton dili! Singa ambagel a lakseb ed arap da ray bibiin managlingkur na saray opisyal to!”

Maung a Balita Biblia

²⁰ Ag abayag sinmempet met lay David a mangilugay ed pamilya to. Pinmaway ya onabet ed sikato si Micol tan inkuanto, Sayan agew ontan lay impangitanduro na arid Israel ed sikaton dili! Singa ambagel a lakseb ed arap da ray bibiin managlingkur na saray opisyal to!

2 Samuel 6:20 Referans Kwoze

2 Samuel 6:16

Legan a niyaakar ed siudad so Kaban na Sipanan, tinmandag si Micol a biin anak nen Saul et anengneng toy Ari David a mansasayaw-sayaw tan manlukso-lukso ed arap na Katawan. Lapud saya binalaw tod puso to si David.

2 Samuel 6:14

Si David, ya akabariber labat na abel a linen ed awak to, et sinmayaw ed anggaay nayarian to a pangigalang tod Katawan.

Saray Huis 9:4

Initdan da na pitomplon pilak a kuartan nanlapud timplo nen Baal-na-Sipanan. Impangupa to may kuarta na sakey ya olup na totoon maoges, pian miolup irad sikato.

Marcos 3:21

Nen nadngelan ya na saray kakanayon to, labay da lan iyarawi lapud saray totoo et ibabaga ran nanaambagel.

Saray Salmo 101:2

Mambilay ak ya anggapoy kaogsan ko. Kapigan so idagom ed siak? Mambilay ak ya anggapoy pakabalawan diad abung ko

Saray Salmo 30:1

Idadayew ta ka, Katawan, lapud inlaban mo ak tan ag mo inyabuloy ya elek-elekan ak na saray kalaban ko.

Say Libro nen Job 30:8

Totoo ran andi-kakanaan tan anggapoy kalakal! Pinapataynan da rad paway na bansa.

1 Saray Awaran 16:43

Insan sinmempet lay balang sakey, tan sinmempet met lay David a mangilugay ed pamilya to.

2 Samuel 6:18

Kayari ton angibagat, binindisionan tod ngaran na Katawan a Makapanyarin-amin iray totoo,

Josue 24:15

No ag yo labay a panlingkuran so Katawan, mampili kayo natan no siopay panlingkuran yo, saray diriyos ya inggagalang na saray lalaki yo ed Mesopotamia odino saray diriyos da ray Amorreo a panaayaman yo natan so dalin da. Para say siak tan say pamilyak, panlingkuran mi so Katawan.”

Genesis 18:19

Sikatoy pinilik, pian niganggan to ray anak to tan saray kabyangay boleg to ya ontoluk irad siak diad panggawa ray kaptekan tan katonungan. No gawaen da ya, sumpalen koy amin ya insipan kod sikato.”

Juan 13:6

Nen asabi lay Simon Pedro inkuanto, “Katawan, akin et orasan mo ray salik?”

Marcos 14:66

Wadman niy Pedro ed solar nen sinmabi so bii a sakey ed saray katulong na Pangulon Pari.

1 Samuel 14:49

Saray anak nen Saul et di Jonatan, Isui, tan Melkisua. Say pangulowan ya anak ton bii et si Merab, tan say yogtan et si Micol.

2 Samuel 6:19

tan binunogan to ran amin na kakanen. Initdan toy balang sakey a laki tan balang sakey a bii ed Israel na sakey a tinapay, sakey a tegteg ya inkalut a karni, tan pigaran pasas. Insan sinmempet lay balang sakey.

Ecclesiastes 7:17

Balet ag mo met lalabasey inkaoges mo odino inkakulang-kulang mo—akin et ompatey ka kasakbayan na nigetar a panaon?

1 Samuel 18:20

Balet si Micol ya anak nen Saul inmibeg ed kinen David, tan akaliket si Saul nen akabatan to.