2 Samuel 5:10 - Maung A Balita Biblia

¹⁰ Pinmalalo lan pinmalalo so inkatalonggaring nen David, ta walad sikatoy Katawan a Dios a Makapanyarin-amin.

Maung a Balita Biblia

¹⁰ Pinmalalo lan pinmalalo so inkatalonggaring nen David, ta walad sikatoy Katawan a Dios a Makapanyarin-amin.

2 Samuel 5:10 Referans Kwoze

2 Samuel 3:1

Abayag a panaon so impanbabakal na saray totoon akigampid pamilya nen Saul tan saray totoon akigampid kinen David. Diad ibibiskeg lan ibibiskeg nen David, onkakapoy lan onkakapoy iray kalaban to.

Saray Taga Roma 8:31

Anto niy nibaga tayo nipaakar ed saya? No say Dios et kaiba tayo, siopay makasumlang ed sikatayo?

Saray Salmo 46:11

Walad sikatayoy Katawan a Makapanyarin-amin; say Dios nen Jacob so salimbeng tayo.

Lucas 2:52

Binmaleg si Jesus, binmaleg met so kakabatan to, tan say panangaroy Dios tan saray totoo ed sikato.

Isaias 9:7

Onlaknab lan onlaknab so pakaoley ton ari, mansiansian mareen so panarian to, Manoley a kasalat nen Ari David, tan iletneg tod kaptekan tan katonungan so pakayari to, manlapud natan ya anggad angga. Andi-saew a sumpalen ya amin na Makapanyarin-amin a Katawan.

Probirbio 4:18

Say dalan a pankukurangan da ray totoon matonung et singa ombubutay ya agew ya onliliwawa lan onliliwawa ya anggad maliwliwawa la.

Saray Salmo 46:7

Walad sikatayoy Katawan a Makapanyarin-amin; say Dios nen Jacob so salimbeng tayo.

Say Libro nen Job 17:9

Saray ipapasen day sikaran dili a maptek laloy panisia ra a sikaray duga.

Genesis 21:22

Diad saman a panaon inawit nen Abimelec si Ficol a pangulo na saray sondalo to, linma rad kinen Abraham tan inkuanen Abimelec, “Walad sikay Dios ed antokaman a gagawaen mo.

Saray Salmo 24:10

Siopa yan matalonggaring ya ari? Say Katawan a makapanyarin-amin—sikatoy matalonggaring ya ari!

Aggeo 2:4

Balet mampabiskeg kayoy linawa, sikayon amin. Ituloy yoy kimey yo, ta siak so kaiba yo.

1 Samuel 18:5

Si David analo ed amin a bakal ya angibakian nen Saul ed sikato, kanyan ginawa nen Saul a sakey ya opisyal na saray sondalo to. Akapaliket ya ed saray totoo nen Saul tan saray opisyal to.

1 Samuel 18:12

Antakot si Saul ed kinen David, ta walad kinen David so Katawan a tinmaynan lad kinen Saul.

1 Samuel 18:14

tan maaligwas ed amin a ginawa to, ta walad sikato so Katawan.

2 Samuel 7:9

Kaiba ta ka ed anggan iner a nilam, tan tinalok iray kalaban mo diad indogpam. Gawaen ta kan matalonggaring a singa saray sankatalonggaringan a pangulod intiron mundo.

2 Samuel 8:6

Insan nankampod Damasco iray sondalo to; saray tagad man nagmaliw iran walad silong na pakaoley to, kanyan nambabayar iray buis ed sikato. Impanalo na Dios si David ed anggan iner a pasen.

2 Samuel 8:14

Nankampod nandoroman lugar na Edom iray sondalo to, kanyan nagmaliw a walad silong na pakaoley to ray tagad man. Impanatalo na Katawan si David ed anggan iner a pasen.