2 Samuel 24:25 - Maung A Balita Biblia

²⁵ Insan nanggaway altar a para Katawan tan angisaklang na saray bagat a popoolan tan saray bagat a para kareenan. Inebatan na Katawan so pikakasi to, kanyan tinmonda so salot ed Israel.

Maung a Balita Biblia

²⁵ Insan nanggaway altar a para Katawan tan angisaklang na saray bagat a popoolan tan saray bagat a para kareenan. Inebatan na Katawan so pikakasi to, kanyan tinmonda so salot ed Israel.

2 Samuel 24:25 Referans Kwoze

2 Samuel 21:14

Insan da impompon iray pokel di Saul tan Jonatan diad lobuk na ama nen Saul a si Kis a taga Zela, diad pasen a nasasakopan nen Benjamin; ginawa ray amin ya ingganggan na ari. Kayari to ya, dinengel na Dios iray pikakasi ran para bansa.

2 Samuel 24:14

Inmebat si David, “Makapasinagem so kipapasen ko! Balet ag ko labay a dusaen ak na too. Say Katawan so labay kon manusad sikami, ta mapangapangasi.”

1 Samuel 7:17

Insan ompawil ed abung tod Rama, tan diman met nanlingkur a sakey a huis. Amaalagey diman na altar ed Katawan.

Genesis 8:20

Nanggaway Noe na altar a para Katawan; angalay sakey ed balang klasi na saray manok tan saray ayayep a malinis onung ed ganggan tan insaklang to ran bagat a popoolan ed altar.

1 Samuel 7:9

Angalay Samuel na onsususo nin kordiro tan pinoolan ton intiro ya imbagat ed Katawan. Insan akikasi a tulongan na Katawan so Israel, et inebatan na Katawan so pikakasi to.

Genesis 22:9

Kasabi rad samay pasen ya imbagay Katawan, nanggaway Abraham na altar, tan inoksuy tod tapew to imay kiew. Binalur toy anak to, insan to inyan ed tapew na samay kiew.

Saray Huis 21:4

Diad kabkabwasan na ontombuk ya agew binmangon ira may totoo tan amaalagey irad man na altar. Angisaklang ira na saray bagat a popoolan tan saray bagat a para kareenan.

1 Samuel 13:9

kanyan inkuantod sikara, “Awit yo dia ray bagat a popoolan tan saray bagat a para kareenan.” Angisaklang na bagat a popoolan,

1 Samuel 14:35

Nanggaway Saul na altar ed Katawan; sayan altar so ononan ginawa to.

1 Saray Arari 1:1

Masikesiken lay Ari David. Ag la napepetangan so laman to anggan nanlalatup so iyooles dad sikato.

Ezekiel 16:42

Diad satan onkepa lay pasnuk ko tan mandeen ak la. Ag ak la mampasnuk odino mangimon.

Genesis 12:7

Pinmanengneng so Katawan ed kinen Abram tan inkuantod sikato, “Sikato yay bansa ya iter kod saray kabyangay boleg mo.” Nanggawad may Abram na altar a para Katawan a pinmanengneng ed sikato.

Saray Bilang 17:13

No ompatey so anggan siopaman ya onsingger ed Tulda, naoput kami lan amin!”

Saray Huis 6:24

Amaalagey diman si Gedeon na altar a para Katawan tan inngaran to na “Kareenan so Katawan.” (Anggad natan, sayan altar et manalalagey nid man ed Ofra a kayaryan na boleg nen Abiezer.)