2 Samuel 24:14 - Maung A Balita Biblia

¹⁴ Inmebat si David, “Makapasinagem so kipapasen ko! Balet ag ko labay a dusaen ak na too. Say Katawan so labay kon manusad sikami, ta mapangapangasi.”

Maung a Balita Biblia

¹⁴ Inmebat si David, Makapasinagem so kipapasen ko! Balet ag ko labay a dusaen ak na too. Say Katawan so labay kon manusad sikami, ta mapangapangasi.

2 Samuel 24:14 Referans Kwoze

Saray Salmo 119:156

Balet agaylay kabaleg na panangasim, Katawan; kasian mo ak pa tan ilaban mo ak.

Saray Salmo 51:1

Kasian mo ak pa, O Dios, lapud ag mangoman a panangarom; ponasan mo pa ray kasalanan ko, lapud daakan a panangasim!

1 Saray Awaran 21:13

Inmebat si David ed kinen Gad, “Makapasinagem so kipapasen ko! Balet ag ko labay a dusaen ak na too. Say Katawan so labay kon manusad siak ta mapangpangasi.”

Jonas 4:2

Kanyan nampikasi, “Katawan, ag ko ta la imbaga a kasakbayan a tinaynan koy baley ko et onyay gawaen mo? Lapud saman ya imbagak ginawak so anggaay nayarian ko ya ombatik ed Espanya! Amtak a maaro tan mapangasi kan Dios, maanos ka lawas, tan akaparaan ka lawas a mangoman na kanunotan mo tan ag ka manusa.

Saray Salmo 145:9

Sikatoy maung ed amin a too tan mapangasi ed amin a pinalsa to.

Saray Salmo 130:4

Balet pipirdonaen mo kami, kanyan nepeg mi kan igalang.

Saray Salmo 86:15

Balet sika, Katawan, mapangasi tan maaro kan Dios, maanos ka, maabagey tan matoor ka lawas.

Isaias 55:7

Saray makasalanan a totoo et ibeneg da komun so kabibilay da tan omanen day panagnunot da. Ompawil ira komun ed Katawan a Dios tayo, ta mapangasi tan sipaparaan a mamirdona.

Isaias 47:6

Akapasnuk ak ed saray totook; impasen kon ag ko la ra kayaryan: Impasilong ko rad pakayarim, et ag mo ra kinasian; anggan saray mamatakken pinairap mo ran tuloy.

Probirbio 12:10

Say toon matonung kokomponien to ray ayayep to, balet saray totoon maoges maruksa ed saray ayayep da.

Saray Salmo 86:5

Katawan, maung tan manamirdona ka, napno kay ag mangoman a panangaro ed amin da ray mampipikasid sika.

2 Saray Arari 6:15

Diad kabkabwasan na ontombuk ya agew, binmangon so aripen nen Eliseo, pinmaway ed abung, et anengneng to ray Sirianon sondalo ya akakabayo tan akakarwahi ra a linmakob ed baley. Pinmawil ed kinen Eliseo tan kuanto, “Alakob itayo! Antoy gawaen tayo?”

1 Samuel 13:6

Insan pinasia ran dinogpaan iray Israelita, et pangaskasiyay kipapasen na saray Israelita. Inmaamut iray arum ed sikara diad saray ongib tan diad saray abut, diad nanleleetan na saray ankakabaleg a bato, tan diad saray araralem ya abut tan saray bobun;

FILIPOS 1:23

sarayan duan pilalek. Labay ko komuy ontaynan lad sayan bilay pian napilimugan ko lay Cristo; amtak a maung ni ya.

Juan 12:27

“Nagugunigon ak natan; anto kasiy ibagak? Ikuanko kasi, ‘Ama, ilaban mo ak ed oras na panliknak na kairapan’? Andi, ta say panliknak na kairapan so inakaran ko dia.

Zacarias 1:15

Balet baleg so pasnuk kod saray bansa a manliliket ed kareenan, ta diad pamopokpok koy pasnuk kod saray totook, iloloor dan pairapen iray totook.

Mikias 7:18

Anggapoy dios a singa sika, O Katawan; pipirdonaen moy kasalanan da ray totoom ya apaliisan day patey. Ag ka mampasnuk ya ando lan ando, no ag ta panliketan mon ipanengneng so ag mangoman a panangarom.

2 Samuel 9:8

Dinmakmomo lamet si Mefiboset tan kuanto, “Singa ak la inatey ya aso, katawan! Akin et ontan lay abig na linawam ed siak?”

Saray Salmo 130:7

Israel, manmatalek kad Katawan, ta ag mangomay panangaro to tan sipaparaan lawas a mangilaban.

Jeremias 39:17

Balet, siak, say Katawan, iyagel ta ka tan ag ka nipalimad saray totoon tatakotan mo.

Saray Tagleey 3:22

Ag mangangga so ag mangoman a panangaro tan panangasi na Katawan.

Daniel 9:9

Mapangasi tan manamirdona ka, anggaman a sinmumpa kamid sika.

Mikias 7:19

Sika so mangasi lamet ed sikami. Igatin-gatin mo ray kasalanan mi tan ipalereg mo rad dalem na dayat!