2 Samuel 23:5 - Maung A Balita Biblia

⁵ Onyay pamindision na Dios ed saray kabyangay boleg ko, ta andi-angga so impisipanan tod siak, sakey a paknaan ya ag naderal, sakey a sipan ya ag naoman. Sikato ya labat so labay kon nagawa; sikato yay panananalok, et andi-duaruwan ipagamur ed siak na Dios.

Maung a Balita Biblia

⁵ Onyay pamindision na Dios ed saray kabyangay boleg ko, ta andi-angga so impisipanan tod siak, sakey a paknaan ya ag naderal, sakey a sipan ya ag naoman. Sikato ya labat so labay kon nagawa; sikato yay panananalok, et andi-duaruwan ipagamur ed siak na Dios.

2 Samuel 23:5 Referans Kwoze

Isaias 55:3

“Dengel kayo natan, sikayon totook, tan dago kayod siak; dago kayod siak et nawalaan kayoy bilay! Ando lan andoy pisipanan kod sikayo tan iter kod sikayoy bindision ya insipan kod kinen David.

Jeremias 32:40

Misipanan ak na andi-anggaan ed sikara. Ag ak ontondan manggaway kamaungan ed sikara, tan pagmaliwen ko ran ontakot ed siak diad intiron puso ra, pian ag da ak lan balut benegan.

Saray Hebreo 13:20

Say Dios a panlapway kareenan so amaolid bilay ed Katawan tayon Jesus, a sikatoy Matalonggaring a Pastol da ray karniro, lapud dala ton amaneknek na andi-anggaan a sipanan.

Saray Hebreo 6:19

Sayan ilalo tayo et singa pataga na puso tayo—malet, napanmatalkan, tan ontalus ya anggad biek na kurtinay sankasantosan a pasen na Timplon mangatatawen.

Saray Gawgawa 13:34

Nipaakar ed impamaoli tod bilay ed sikato, pian ag to dalaney kaboboluk, onyay inkuan na Dios: ‘Iter kod sikay masanto tan andisaew iran bindision ya insipan kod kinen David.’

Amos 9:11

Say Katawan kuanto, “Onsabiy agew ya ipawil koy gendat a kipapasen na nanarian nen David, a kaparpara toy sakey ya abung ya aderal-deral ed inkageba to. Apigeren ko ray padir to tan ipaalagey kon singa gendat.

Ezekiel 37:26

Misipanan ak ed sikara; sayan sipanan so kaletan diad pambilay dan arawid kaatapan diad ando lan ando. Iletneg ko ra tan parakelen koy bilang da, tan magnayon a panalageyen kod dalin da so Timplok.

Isaias 61:8

Say Katawan kuanto, “Inarok so inkatonung tan kabosul koy panagpairap tan panaggaway kaogsan. Tumangan kon tumangan iray totook Tan migawaan ak ed sikara na sipanan ya andi-anggaan.

Isaias 27:6

Diad saray agew ya onsabi saray totood Israel a kabyangan iray boleg nen Jacob et manlamut iran singa kiew, insan ira manrosas tan mansimit. Say sankamundoan napano na bunga ra.

Isaias 11:1

Saray manarin kabyangay boleg nen David et singa ra sakey a kiew ya abatang; balet onung a saray balon sanga et onsibual irad sengeg ya amatangan, ontan met a sakey a balon ari so onletaw ed saray kabyangay boleg nen David.

Isaias 7:14

Natan, say Katawan itdan to ka na sakey a tanda: walay sakey a marikit a malokun tan mananak na sakey a laki tan ngaranan to na Emmanuel.

Isaias 4:2

Onsabiy panaon a say Katawan pabalegen tan pagmaliwen ton marakep so balang tanaman tan kiew a walad dalin. Amin da ray nakdaan a totood Israel et ikinon tan panliketan da ray bungay dalin.

Saray Salmo 119:81

Katawan, nalmay ak lad panaalagar koy pangilaban mod siak; maniilalo ak ed salitam.

Saray Salmo 89:3

Imbagam, “Akisipanan ak ed toon pinilik; sinambaan kod managlingkur kon David,

Saray Salmo 62:2

Sikato labat so mangyaagel tan mangilalaban ed siak; sikatoy manangyagel ko, et ag ak balut natalo.

Saray Salmo 27:4

Saksakey so kinerew kod Katawan; saksakey so pampipilalekan kon nagamuran: say panayam kod abung na Katawan legay bilay ko, pian nanengneng kod may kaabigan to, tan nakerew ko so panangiwanwan to.

1 Saray Arari 12:14

Sinalita to may impaikuan na saray mamalangwer a sumisimbawa: “Ambelat so impasakbat ed sikayo nen amak; ambelat niy ipasakbat kod sikayo. Nilatiko kayo nen amak; pekpeken ta kayoy balatyang!”

1 Saray Arari 11:38

Wala ak lawas ed sika no sigput ya onuren mo ak tan gawaen moy linawak diad panumpal mod saray ganggan tan saray bilin ko a singa ginawa nen David ya aripen ko. Gawaen ta kan ari na Israel tan pansiansiaen ko a saray kabyangay boleg mo so onsalat ed sikan manoley, a singa samay ginawak ed kinen David.

1 Saray Arari 1:5

Si Adonias ya anak di David tan Hagit et yogtan nen Absalom tan mapalaloy inkaguapo ton laki. Ag balut apampasnukan nen David, tan pirawat toy magmaliw ya ari. Angiparaan la na saray ikana ton karwahi tan saray kabayo tan limamplon lalaki a mangolup ed sikato.

2 Samuel 18:14

“Ag ko la darakey panaon kod sika,” kuanen Joab. Angalay taloran pika, insan to ra impika ed pagew nen Absalom, nen mabilay nin mambitbitay ed tagey na kiew a robli.

2 Samuel 13:28

tan binilin to ray aripen to: “Imano yo no akainom lan maung si Amnon, tan kapangiganggan ko, patey yo. Ag kayo natatakot ta siak a dili so makaoley. Mampasebeg kayo tan ag kayo ontatalaw!”

2 Samuel 13:14

Balet ag dengelen nen Amnon; et lapud mabiskeg nen say sikato, apasoot ton inakdulan.

2 Samuel 12:10

Natan sirin diad balang kailalakan, pigaran kabyangay boleg mo so napatey diad panamegley na ispada, lapud ag mo ak inonur tan inasawam so asawa nen Urias.

2 Samuel 7:18

Si Ari David linmoob ed Tuldan Ayamay Katawan, inmirung tan nampikasi, “Aliwak a manepeg, anggan say pamilyak, et antokaman a ginagawam lad siak, Katawan a Dios.

1 Samuel 25:28

Pirdona mo ak pa, no wala bilang so maoges a ginawak. Say Katawan gawaen to kan ari, tan anggan saray kabyangay boleg mo, ta milalaban kad saray bakal na Katawan; ag ka manggaway kaogsan legay pambilay mo.

1 Samuel 2:35

Mamili ak na sakey a parin matoor ed siak tan manggaway amin ya ibagak ed sikato. Itdan ko na saray kabyangay boleg to tan manlingkur ira lawas ed arap na pinilik ya ari.

Genesis 9:16

Kapag onletaw so bunlalakaw ed lorem, nengnengen ko tan nanunotan koy impisipanan ko ed amin a mabilay ed tapew na dalin.

2 Samuel 7:12

No ompatey ka tan nipompon kad kawalaan da ray lalakim, gawaen kon ari so sakey ed saray anak mo tan pabiskegen koy nanarian to.

Isaias 54:10

Nayarin nakusbo ray kapalandeyan tan saray kapokdulan, balet ag manganggay panangarok ed sika; Ando lan andon sumpalen koy sipan kon mangiter na kareenan.” Saya sirin so ibabaga na Katawan a mangaarod sika.

Jeremias 33:21

Ontan met akisipanan ak ed aripen kon David pian nawalaan lawas na kabyangay boleg a manari, tan akisipanan ak ed saray papari a kabyangay tribu nen Levi pian manlingkur ira lawas ed siak; et ag ira yan balut naderal a sipanan.

Saray Salmo 111:9

Imbolus to ray totoo to, tan andi-anggaan so impisipanan tod sikara. Sikatoy masanto tan makapanyari!