2 Samuel 22:51 - Maung A Balita Biblia

⁵¹ Say Dios mangiiter na pananalo ed arin impasen to; ag mangoomay panangaro tod toon pinili to, diad kinen David tan saray kabyangay boleg to, diad ando lan ando.

Maung a Balita Biblia

⁵¹ Say Dios mangiiter na pananalo ed arin impasen to; ag mangoomay panangaro tod toon pinili to, diad kinen David tan saray kabyangay boleg to, diad ando lan ando.

2 Samuel 22:51 Referans Kwoze

Saray Salmo 144:10

Panataloen mo ray arari, tan iyaagel moy aripen mon si David.

Saray Salmo 89:29

Sakey a kabyangay boleg to so lawas manari; say panarian to ag manganggan singa say tawen.

Saray Salmo 89:20

Ginawak ya ari si aripen kon David diad panamegley na impanlanak ed sikato na masanton larak.

Saray Salmo 18:50

Say Dios so mangiiter na saray pananalo ed arin impasen to; ag mangoomay panangaro tod toon pinili to, a si David tan diad saray kabyangay boleg to, diad ando lan ando.

Puyan 11:15

Insan sinibuk na kumapiton anghil so trumpita to, tan walay makmaksil iran bosis ed tawen ya inkuanda, “Say panoley ed sankamundoan niiter lad Katawan tayo tan diad Cristo to, tan manarin anggad angga!”

Jeremias 30:9

Manlingkur ira ingen ed siak, say Katawan a Dios da, tan diad kabyangay boleg nen David ya iter kon manarid sikara.

Saray Salmo 91:2

nayarian ton ibagad Katawan, “Sikay salimbeng tan manangyagel ko! Sikay Dios ko, sika so panmamatalekan ko.”

Saray Salmo 89:36

Nawalaan lawas na saray kabyangay boleg to, tan daput onsisinag so agew asikasoen koy nanarian to.

Saray Salmo 89:26

Ikuantod siak, ‘Sikay amak tan Dios ko; Sikay manangyagel tan manangilaban ko.’

Saray Salmo 48:3

Impanengneng na Dios ya anggapoy nagawan maoges ed loob na saray tirinsira na siudad lapud kiwawala tod man.

Saray Salmo 21:1

Katawan, maliket so ari lapud pinabiskeg mo; magayaga lapud impanalom.

Saray Salmo 3:3

Balet sika Katawan, sasalimbengan mo ak lawas, pian niarawi ak ed kaatapan; panataloen mo ak tan pabibiskegen moy linawak.

2 Samuel 22:2

Say Katawan so manangilaban ko; sikatoy mabiskeg a tirinsirak.

Saray Salmo 89:24

Magmaliw ak a maaro tan matoor ed sikato; panaloen ko lawas.

2 Samuel 7:16

Nawalaan ka lawas na saray kabyangay boleg mo, tan pansiansiaen ko ya anggad angga so nanarian mo.’”

2 Samuel 23:1

Si David a lakin anak nen Jesse et sikatoy ginawa na Dios a matalonggaring, pinili na Dios nen Jacob a manari, tan sikatoy nanggawa na saray marakep a kanta a para Israel. Nia ray kaonuran a salita nen David: