2 Samuel 22:33 - Maung A Balita Biblia

³³ Sayan Dios so mabiskeg a salimbeng ko, eekalen toy kaatapan ed dalan ko.

Maung a Balita Biblia

³³ Sayan Dios so mabiskeg a salimbeng ko, eekalen toy kaatapan ed dalan ko.

2 Samuel 22:33 Referans Kwoze

TAGA-EFESO 6:10

Kaonuran, mampabiskeg kayo diad pikakasakey yod Katawan tan diad tulong na mabiskeg a pakayari to.

Saray Salmo 27:1

Say Katawan so silew tan kilalaban ko, kanyan anggapoy tatakotan ko. Say Katawan so mangyaagel ed siak ed antokaman a kaatapan; ag ak balut ontakot.

FILIPOS 4:13

Nayarian kon gawaey amin a bengatla, lapud Cristo a mamapabiskeg ed siak.

Isaias 41:10

Ag kayo natatakot—wala ak ed sikayo! Siak so Dios yo—ag yo aabuloyan a taktakoten kayo na antokaman! Pabiskegen tan tulongan ta kayo; iyagel tan ilaban ta kayo.

Saray Hebreo 13:21

Iter komun na Dios ed sikayoy amin a nakaukolan yo, pian nagawaan yoy linawa to, tan gawaen tod sikatayo komun, diad panamegley nen Jesu-Cristo, so makapaliket ed sikato. Nagalang komun ya anggad angga! Amen.

2 CORINTO 12:9

balet onyay ebat to: “Say baleg a panangarok labat so nakaukolan mo, ta say pakayarik et sankabiskegan ya ontulong no makapoy ka.” Malikeliket ak sirin a mangipasirayew ed saray kakapoyan ko, pian naliknak so panangyagel ed siak na pakayari nen Cristo.

Zacarias 10:12

Pabiskegen ko ray totook; igalang tan onuren da ak.” Say Katawan so nansalita.

Saray Salmo 119:1

Maliket iray totoon anggapoy pakabalawan ed panagbilay da, saray mambibilay onung ed ganggan na Katawan.

Saray Salmo 46:1

Say Dios so salimbeng tan say biskeg tayo; sipaparaan lawas ya ontulong no panaon na gunigon.

2 Samuel 22:2

Say Katawan so manangilaban ko; sikatoy mabiskeg a tirinsirak.

Exodo 15:2

Say Katawan so mabiskeg a manangyagel ko; sikato so angilaban ed siak. Sikatoy Dios ko, sikatoy idayew ko, sikatoy Dios di amak, tan ikantak so nipaakar ed inkatalonggaring to.

Saray Salmo 101:6

Manliket ak ed saray matoor ed Dios tan panayamen ko rad palasiok. Naabuloyan a manlingkur ed siak iray nagnap a napanmatalkan.

Saray Salmo 18:32

Sayan Dios a mamapabiskeg ed siak, eekalen toy kaatapan ed dalan ko.

Say Libro nen Job 22:3

Manliket kasiy Dios lapud matonung ka, odino wala kasiy nagunggona to no anggapoy pakabalawan ed panagbilay mo?

Deuteronomio 18:13

Ag kayo manggagaway pakabalawan ed sikayo ed arap na Katawan.”

Saray Salmo 101:2

Mambilay ak ya anggapoy kaogsan ko. Kapigan so idagom ed siak? Mambilay ak ya anggapoy pakabalawan diad abung ko

Saray Salmo 32:8

Kuay Katawan, “Iwanwan ta kad dalan a nepeg mon tombuken; ibangat tan simbawaan ta ka.