2 Samuel 22:3 - Maung A Balita Biblia

³ Say Dios ko so manangyagel ko, tan no kaibak anggapoy pagpagak. Sikatoy singa samper a manasanib ed siak; iyaagel to ak tan iyaarawi to ak ed kaatapan. Sikatoy manangilaban ko; iyaagel to ak ed antokaman a maoges ya onsabid siak.

Maung a Balita Biblia

³ Say Dios ko so manangyagel ko, tan no kaibak anggapoy pagpagak. Sikatoy singa samper a manasanib ed siak; iyaagel to ak tan iyaarawi to ak ed kaatapan. Sikatoy manangilaban ko; iyaagel to ak ed antokaman a maoges ya onsabid siak.

2 Samuel 22:3 Referans Kwoze

Saray Salmo 9:9

Say Katawan so salimbeng da ray napapairap; sikatoy napiregan no panaoy segsegang.

Isaias 12:2

Say Dios so manangilaban ko; manmatalek ak ed sikato, et ag ak antakot. Say Katawan iitdan to ak na pakayari tan biskeg; sikatoy manangilaban ko.

Probirbio 18:10

Say Katawan et singa mabiskeg a torin nasalimbengan na saray totoon matonung, pian niarawi rad kaatapan.

Probirbio 30:5

“Susumpalen na Dios so balang sipan to. Say Dios aliling toy sakey a samper ed amin da ray papaiyagel ed sikato.

Saray Salmo 46:11

Walad sikatayoy Katawan a Makapanyarin-amin; say Dios nen Jacob so salimbeng tayo.

Saray Salmo 18:2

Say Katawan so manangilaban ko; sikatoy mabiskeg a tirinsirak. Say Dios ko so manangyagel ko; tan no kaibak anggapoy pagpagak. Sikatoy singa samper a manasanib ed siak; iyaagel to ak tan iyaarawi to ak ed kaatapan.

Deuteronomio 33:29

Israel, agaylay liket mon bansa! Anggapoy mipara sika, sakey a bansan inliktar na Katawan. Say Katawan a dili so samper tan ispadam, a mangyagel ed sika tan mangiter ed sikay pananalo. Ondagon mikasid sika iray kalaban mo, et gatin-gatinan mo ra.

Genesis 15:1

Kasumpal to yan inkagawa, walay pasingayew ed kinen Abram tan arengel ton inkuan na Katawan ed sikato, “Ag ka natatakot, Abram. Salimbengan ta kad kaatapan tan itdan ta kay baleg a tumang.”

Saray Hebreo 2:13

Inkuanto met, “Manmatalek ak ed Dios.” Inkuanto ni, “Wadya ak a kaibak iray anak ya inter ed siak na Dios.”

Lucas 1:69

Angibakid sikatayo na makapanyarin Manangilaban, a kabyangan boleg nen David ya aripen to.

Saray Salmo 144:2

Sikatoy manangyagel ko tan tirinsirak sikatoy salimbeng ko tan manangilaban ko, sikatoy samper a panmamatalkan ko pian niarawi ak ed kaatapan. Tataloen to ray bansan walad silong na pakaoley ko.

Saray Salmo 59:16

Balet ikantak so nipaakar ed biskeg mo; kinabwasan ya ikantak a maksil so nipaakar ed ag mangoman a panangarom. Sikay salimbengan ko, say siroman diad panaoy gunigon ko.

Saray Salmo 14:6

Saray totoon managgaway kaogsan et dederalen da ray plano na toon mairap-bilay, balet say Katawan so manangyagel to.

Jeremias 16:19

Katawan, sika so mangyaagel ed siak, tan mangiiter na biskeg ko; tutulongan mo ak no panaon na gunigon. Onlad sika ray bansan nanlapud nandoroman sokung na mundo tan ikuanda, “Tila-tilan diriyos labat so walad saray lalaki mi; anggapo lay arum no ag ta saray andi-kakanaan a talintaoy diriyos.

Isaias 32:2

Balang sakey ed sikara et magmaliw a singa sakey a salimbeng no panaoy maragem tan sakey a pasen ya amutan no walay bagyo. Magmaliw iran singa kolus a managagos ed sakey ya amagamagan pasen, tan sakey a sirum ed petek na balbaleg a bato ed kinmelang a dalin.

Saray Salmo 140:4

Iyagel mo ak pa, Katawan, ed pakayari da ray totoon maoges; ag mo ak padidiwit ed saray maruksan totoo, a pankokomplutan day nipaakar ed katumbak.

Saray Salmo 55:9

Ag mo pa pantatalusan iray kalaban ko diad pantotongtong da, O Katawan! Nanenengneng koy inkaruksa tan gewgew

Saray Salmo 46:7

Walad sikatayoy Katawan a Makapanyarin-amin; say Dios nen Jacob so salimbeng tayo.

Lucas 1:71

Insipan ton iyagel to itayod saray kalaban tayo, tan ipaliis to itayod saray mamobosul ed sikatayo.

Saray Salmo 140:11

Ag komun manalo iray totoon mangaakusay tila ed kapara ran too; naosilan tan naderal komun na kaogsan iray totoon maruksa.

Saray Salmo 140:1

Iyagel mo ak pa, Katawan, ed saray totoon maoges; ag mo ak pa padidiwit ed saray totoon maruksa.

Saray Salmo 86:14

O Dios, ondadagon onsumpad siak iray mapaatagey a totoo; labay ak a pateyen na sakey ya olup na totoon maruksa, totoon ag mangitaltalek ed sika.

Saray Salmo 84:11

Say Katawan a Dios so manangyagel tan mapagalang ya ari tayo, kakasian to tayo tan iitdan to itayoy kagalangan. Ag to isisiblet so antokaman a kaabigan ed saray manggagaway kaptekan.

Saray Salmo 84:9

Bindisionan mo pay ari mi, O Dios, say ari a pinilim!

Saray Salmo 72:14

Iyaagel to rad kalalames tan kakairapan da; mabli ed sikato ray bilay da.

Saray Salmo 71:7

Sakey a panoliranan ed amayamay a totoo so bilay ko, ta sikay mabiskeg a manangyagel ko.

Saray Salmo 61:3

ta sikay manangyagel ko, say mabiskeg a mangilaban ed siak ed saray kalaban ko.

Saray Salmo 46:1

Say Dios so salimbeng tan say biskeg tayo; sipaparaan lawas ya ontulong no panaon na gunigon.

Saray Salmo 28:7

Say Katawan so biskeg tan manangyagel ko, imamatalek kod sikato so bilay ko. Tutulongan to ak tan pagagayagaen to ak; idayew ko diad panamegley na saray maliket a kanta.

Saray Salmo 27:5

No panaoy kairapan salimbengan to ak; iyamut to ak ed Timplo to tan itapew to ak ed baton-dampay, pian ag ak nasigensigen.

Saray Salmo 5:12

Bibindisionan mo ray mangoonur ed sika, Katawan; say panangarom, singa samper a mangyaagel ed sikara.

Saray Salmo 3:3

Balet sika Katawan, sasalimbengan mo ak lawas, pian niarawi ak ed kaatapan; panataloen mo ak tan pabibiskegen moy linawak.

2 Samuel 22:51

Say Dios mangiiter na pananalo ed arin impasen to; ag mangoomay panangaro tod toon pinili to, diad kinen David tan saray kabyangay boleg to, diad ando lan ando.

2 Samuel 22:49

tan ililiktar to ak ed saray kalaban ko. Katawan, sikay mangiiter ed siak na pananalo ed saray kalaban ko tan sikay mangyaagel ed siak ed saray maruksan totoo.

1 Samuel 2:1

Nampikasi si Ana: “Say Katawan pinano toy liket so pusok; agaylay liket ko lapud ginawa to. Elekan ko ray onlalaban ed siak; agaylay gayagak ta tinulongan ak na Dios.

Deuteronomio 32:37

Insan say Katawan tepeten tod saray totoo to, ‘Kawalaan da ra may makapanyarin diriyos a nanmatalkan yo?

Tito 3:6

Diad panamegley na Manangilaban tayon Jesu-Cristo, ag nasabsabaan ya inibung na Dios so Ispiritu Santo ed sikatayo.

Tito 3:4

Balet nen nipanengneng so panangasi tan panangaroy Manangilaban tayon Dios,

Lucas 1:47

tan manliket so ispirituk lapud Dios a Manangilaban ko,

Jeremias 16:9

Dengel kad siak a Katawan a Makapanyarin-amin, say Dios na Israel, ed nepeg kon ibaga. Patondaen ko ray tanul na likeliket tan gayaga, tan say sayaksak na saray nubio tan saray nubia ed sayan pasen. Saray totoo dia mambilay ira ya anggad pakanengneng dan nagawa ya.

Isaias 45:21

Dago kayo tan iparontal yod korti so dalem yo; mampapanonan komun iray nidalem. Siopay abayag lan angipasakbay ed agawa? Aliwa tan siak, say Katawan, say Dios so mangilalaban ed saray totoo to? Anggapo lay arum a Dios likud ed siak.

Saray Salmo 32:7

Sikay pasen a panaamutan ko; sikay mangipaliis ed siak ed gunigon. Maksil ya ikantak so panangilaban mo, ta iyaagel mo ak.

Saray Salmo 142:4

No onlingaw ak ed diking ko, anggapoy nanengneng kon ontulong ed siak; anggapoy mangyagel ed siak. Anggapoy mangaasikasod siak.

Deuteronomio 32:4

“Say Katawan so makapanyarin manangyagel yo, ayadyari tan matonung ya amin so gagawaen to; Matoor tan matwa so Dios yo; say katonungan tan kaptekan so gagawaen to.

1 Samuel 2:2

“Anggapoy masanto a singa say Katawan; anggapoy miparad sikato, anggapoy manangyagel a singa say Dios tayo.

2 Samuel 22:31

Ayadyari ray gawa na sayan Dios, napanmatalkan iray salita to! Aliling toy samper ed amin da ray pa paiyagel ed sikato.

2 Samuel 22:47

Say Katawan et mabilay! Idayew yoy manangyagel ko! Ibawag yoy talonggaring na mabiskeg a Dios a mangilalaban ed siak!

2 Samuel 23:3

Nansalita so Dios na Israel; inkuan ed siak na manangyagel na Israel: “Say arin maptek so panooley to, tan manooley a walay takot ed Dios,

Exodo 15:2

Say Katawan so mabiskeg a manangyagel ko; sikato so angilaban ed siak. Sikatoy Dios ko, sikatoy idayew ko, sikatoy Dios di amak, tan ikantak so nipaakar ed inkatalonggaring to.

Saray Salmo 9:10

Manmatalek ed sika, Katawan, iray makapikabat ed sika; ag mo ibabatikan iray ondaragod sika.

Saray Salmo 46:2

Kanyan ag itayo sirin ontakot, anggan nayegyeg so dalin, tan natumbad dayat iray kapalandeyan;