2 Samuel 22:29 - Maung A Balita Biblia

²⁹ Sika, Katawan, so liwawak; papaliwawaen moy bilonget ko.

Maung a Balita Biblia

²⁹ Sika, Katawan, so liwawak; papaliwawaen moy bilonget ko.

2 Samuel 22:29 Referans Kwoze

Saray Salmo 27:1

Say Katawan so silew tan kilalaban ko, kanyan anggapoy tatakotan ko. Say Katawan so mangyaagel ed siak ed antokaman a kaatapan; ag ak balut ontakot.

Juan 8:12

Nansalita lamet si Jesus ed saray totoo. Inkuanto, “Siak so silew na sankamundoan. Say ontombuk ed siak walad sikatoy silew a mangiiter na bilay tan ag manakar ed kabilongetan.”

Puyan 21:23

Ag la nakaukolay agew o bulan a manilew ed siudad, ta say kagalangay Dios so manliwawad man, tan say Kordiro so lamparaan na siudad.

Say Libro nen Job 29:3

Say Dios wala lawas ed siak nen saman; nen manaakar ak ed bilonget inantabay to ak na liwawa.

Juan 12:46

Linma ak dia a silew ed sankamundoan, pian siopamay manisiad siak et ag mansiansiad kabilongetan.

Mikias 7:9

Nankasalanan kamid Katawan, kanyan nepeg min itepel a magano so pasnuk to. Balet diad kaonuran iyagel to kami tan pagmaliwen ton pankaabigan mi so maoges ya agawad sikami. Agwaten to kami ed liwawa; mambilay kamin nanengneng mi so panangilaban to.

Saray Salmo 112:4

Say silew onwawandag ed bilonget para saray maung a totoo, para saray mapangasi, maabagey, tan matonung.

Isaias 50:10

Amin yon mangigagalang ed Katawan tan mangoonur ed saray salita na aripen to, nayarin ambilonget a tua so dadalanen yo, balet manmatalek kayod Katawan, ipia yod Dios so bilay yo.

Saray Salmo 97:11

Onsisinag so silew ed saray totoon matonung, ta onsisinag so gayaga ed saray maung a totoo.

Saray Salmo 84:11

Say Katawan a Dios so manangyagel tan mapagalang ya ari tayo, kakasian to tayo tan iitdan to itayoy kagalangan. Ag to isisiblet so antokaman a kaabigan ed saray manggagaway kaptekan.

Saray Salmo 18:28

O Katawan, iitdan mo ak na liwawa; papaliwawaen moy bilonget ko.

Saray Salmo 4:6

Dakel iray mampikasi: “Itdan mo kami pay lalon dakel a bindision! Mapangasin osdungan mo kami pa, O Katawan!”

2 Samuel 21:17

Balet si Abisai a lakin anak nen Sarvia dinago ton tinulongan si David, dinogpaan to may alan, insan to pinatey. Kayari to ya, saray totoo nen David impaisipan dad sikato ya ag lan balut milad bakal. Inkuanda, “Sikay ilalo na Israel, et ag mi labay a naandi kad sikami.”

Malakias 4:2

Balet sikayo ran mangoonur ed siak, singa agew ya ombutay ed sikayo so pakayarik a mangilaban tan mangyakar na panamaabig a singa saray rayos na agew. Magmaliw iran bolus tan maliket a singa saray kilaw na baka ya akapaway ed koral.

1 Saray Arari 11:36

Iter koy sakey a tribu ed lakin anak nen Solomon, pian nawalaan ak lawas na kabyangay boleg nen aripen kon David a manoley ed Jerusalem, say pinilik a siudad a pangigalangan ed siak.