2 Samuel 19:9 - Maung A Balita Biblia

⁹ Diad intiron bansa nambabalingaan iray totoo. Inkuandad sakey tan sakey, “Inyagel itayo nen Ari David ed saray kalaban tayo. Inyagel to itayod saray Filisteo, balet natan imbatikan toy Absalom tan tinaynan toy bansa.

Maung a Balita Biblia

⁹ Diad intiron bansa nambabalingaan iray totoo. Inkuandad sakey tan sakey, Inyagel itayo nen Ari David ed saray kalaban tayo. Inyagel to itayod saray Filisteo, balet natan imbatikan toy Absalom tan tinaynan toy bansa.

2 Samuel 19:9 Referans Kwoze

2 Samuel 15:14

Kanyan inkuanen David ed saray opisyal ton kaiba tod Jerusalem, “Nakaukolan ya ontaynan tayon tampol no labay tayon nibatikay Absalom! Ganatan yo! Ta ag mabayag onsabi la, taloen to itayo, tan pateyen to ray amin a walad siudad!”

2 Samuel 5:20

Kanyan linmad Baal-perazim si David, tan tinalo tod man iray Filisteo. Inkuanto, “Singa sinelak na delap iray kalaban ko nen dinogpaan iray Katawan.” Kanyan saman a pasen atawag na Baal-perazim.

1 Samuel 19:5

Imposta toy bilay to nen pinatey toy Goliat, et baleg so pananalon inter na Katawan ed Israel. Nanliket kayo nen anengneng yo yan pananalo. Akin, sirin, et labay yoy manggaway kaogsan ed toon anggapoy kasalanan diad pamatey yod kinen David ya anggapon balut so makasengeg?”

1 Samuel 18:25

et si Saul ingganggan to ran mangibaga ed kinen David: “Say labay labat na ari ya ibayar mod sikato pian naasawam so marikit to et say baog na ngoroy kayaryan na sanlasus ya inatey a lalakin Filisteo, pian makabawid saray kalaban to.” (Onyay inisip nen Saul a pagawa; pian napatey na saray Filisteo si David.)

1 Samuel 17:50

Kanyan, anggan anggapoy nikanan ispada, tinalo nen David si Goliat, tan pinatey to ed panamegley na bansut tan sakey a bato!

Exodo 32:24

Kinerew kod sikaran iyakar dad siak iray balituk ya alahas da, et amin da ray walay alahas ineekal da tan inter da rad siak. Imbuntok kod apoy ira may alahas da, et bakan kalakyan so pinawayan to.”

2 Samuel 19:10

Nilanaan tayoy Absalom a manari, balet apatey ed bakal. Kanyan akin et anggapoy mamapawil dia ed kinen Ari David?”

2 Samuel 19:40

Kabaliw na ari, ya inolup na amin a lalakin taga Juda tan kapaldua na amin a lalakin taga Israel, tinmuloy ed Gilgal a kaiba toy Camaam.

2 Samuel 22:44

Inliktar mo ak ed saray totoon mananumpa, tan impansiamsiam so panooley kod saray bansa; panlilingkuran ak natan na saray totoon ag ko kabat nen saman.

Saray Salmo 18:43

Inliktar mo ak ed saray totoon mananumpa, tan ginawa mo ak a manoley ed saray bansa; panlilingkuran ak natan na saray totoon ag ko kabat nen saman.

2 Samuel 18:17

Inala ray bangkay nen Absalom, impelag dad aralem a bobun ed takel, insan da tinabunan na saray bato. Amin ya Israelita batik ed kaabungan da.