2 Samuel 18:1 - Maung A Balita Biblia

¹ Impantitipon nen David iray amin a totoo to, insan ginawa to ran pigaran grupo, na tonggal libo tan tonggal lasus, tan wala ray opisyal ya impasen ton mangipangulod balang grupo.

Maung a Balita Biblia

¹ Impantitipon nen David iray amin a totoo to, insan ginawa to ran pigaran grupo, na tonggal libo tan tonggal lasus, tan wala ray opisyal ya impasen ton mangipangulod balang grupo.

2 Samuel 18:1 Referans Kwoze

1 Samuel 8:12

Pagmaliwen to ray arum ed sikara a pangulo na tunggal libon sondalo, tan saray arum pangulo na tonggal limamplon sondalo. Pambakaen tod alog to iray anak yo, pananien to ra, tan panggawaen to ra na armas tan kagawaan na saray karwahi to.

Josue 8:10

Angabkabwasan a binmangon si Josue tan impantitipon to ray sondalo. Insan sikato tan saray pangulo na Israel inwanwan da ran linma ed Ai.

Exodo 17:9

Si Moises kuantod kinen Josue, “Mamili ka na saray lalaki, ta onla ran mibakal nabwas ed saray Amalecita. Manalagey ak ed tapew na pokdul a sankabembenan koy baston ya impaawit ed siak na Dios.”

Exodo 18:25

kanyan amilid saray Israelita na lalakin sarag day mangipangulo. Impagmaliw to ran pangulo na tunggal libon totoo, tunggal lasus, tunggal limamplo, tan tunggal pulo.

Saray Bilang 31:14

Akapasnuk si Moises ed saray opisyal, saray pangulo na tunggal libo tan tunggal lasus a sondalo a pinmawil ira kayari ran akibakal.

1 Samuel 22:7

kanyan kuantod saray opisyal to, “Dengel kayo, totoo na Benjamin! Say abaloan yo sirin ya itdan kayo nen David na saray alog tan kaubasan, tan gawaen to kayon opisyal na saray sondalo!

Exodo 18:21

Balet nepeg a mamili ka met na pigaran lalaki a sarag day mangipangulo, tan ipasen mo ran pangulo na saray totoo; pangulo na tunggal libon totoo, tunggal lasus, tunggal limamplo, tan tunggal pulo. Nepeg a totoo ran walay takot ed Dios, napampiaan ira tan ag da labay so mangawat na pasoksok.

Deuteronomio 20:9

No asumpal lan nansalita ed saray sondalo ira may opisyal, nepeg a pilien iray mangipangulod saray olup na sondalo.