2 Samuel 17:23 - Maung A Balita Biblia

²³ Nen anengneng nen Ahitofel ya ag atombuk so simbawa to, kinabayoan toy asno to, insan pinmawil ed dilin baley to. Kayari ton inapiger so kipapasey kayaryan to, imbitay toy laman to. Nipompon ed lobuk na pamilya to.

Maung a Balita Biblia

²³ Nen anengneng nen Ahitofel ya ag atombuk so simbawa to, kinabayoan toy asno to, insan pinmawil ed dilin baley to. Kayari ton inapiger so kipapasey kayaryan to, imbitay toy laman to. Nipompon ed lobuk na pamilya to.

2 Samuel 17:23 Referans Kwoze

Mateo 27:5

Imbantak nen Judas imay kuartan pilak ed loob na Timplo. Linma la, insan imbitay toy laman to.

2 Saray Arari 20:1

Legan to met ira man ya agew, nansakit si Ari Ezekias tan ngalngali inatey. Linmad sikato si propita Isaias a lakin anak nen Amoz tan kuantod sikato, “Ibabaga na Katawan ya oksuy mo lan amiy bengatla, ta ag ka la onabig. Mamparaan kan ompatey.”

2 Samuel 15:12

Nen mangibabagat si Absalom, angibakid baley na Gilo na mangawit ed kinen Ahitofel a sakey ed saray managsimbawa nen Ari David. Binmiskeg so komplut a sumpad ari, tan dinmakel iray akiolup ed kinen Absalom.

Saray Salmo 5:10

Dusam pa ra, O Dios; magmaliw komun a kaderalan da iray komplut da; Pagit mo pa rad arap mo, lapud amayamay a kasalanan da tan lapud ilalaban dad sika.

1 Saray Arari 16:18

Nen anengneng nen Zimri ya alooban lay siudad, linmad tirinsira ed dalem na palasio, insan pinoolan toy palasio tan diman la akalut.

2 Samuel 15:31

Nen nibagad kinen David a si Ahitofel et akikomplut ed kinen Absalom, nampikasi, “Pikasik ed sika, Katawan, a pagmaliw mon andi-kakanaan so simbawa nen Ahitofel!”

Probirbio 19:3

Wala ray totoon nadederal lapud inkakulang-kulang da, insan da tetetelen so Katawan.

Probirbio 16:18

Say panagpaatagey mansusumpal ed kaderal, tan say panaglastug, diad katumba.

Saray Salmo 55:23

Balet sika, O Dios, ibantak mod lobuk, iray totoon managtila tan managpatey kasakbayay pakasumpal na kapalduay bilay da diad tapew na dalin. Siak, balet, sikay panmatalkan ko.

Say Libro nen Job 31:3

Ipapadalan toy deral tan kairapan ed saray managgaway kaogsan.

2 Samuel 16:23

Diad saraman a panaon, amin a simbawa nen Ahitofel et nipapasen a singa dilin salita na Dios; tinotombuk ira nen David tan si Absalom.

2 Samuel 17:22

Kanyan binaliw nen David tan saray totoo to so Jordan; akabaliw iran amin kasakbayay kabwasan.

Isaias 38:1

Legan to met ira man ya agew, nansakit si Ari Ezekias tan ngalngali inatey. Linmad sikato si propita Isaias a lakin anak nen Amoz tan kuantod sikato, “Ibabaga na Katawan ya oksuy mo lan amiy bengatla, ta ag ka la onabig. Mamparaan kan ompatey.”

Saray Salmo 109:20

Katawan, onya komuy panusam ed saray kalaban ko— saray mamapaoges ed siak!