2 Samuel 16:9 - Maung A Balita Biblia

⁹ Si Abisai a lakin anak nen Sarvia kuantod kinen Ari, “Akin et palpaolyan mon ayewen ka na satan ya aso? Abuloyan mo ak pan onla, ta potuten koy olo to!”

Maung a Balita Biblia

⁹ Si Abisai a lakin anak nen Sarvia kuantod kinen Ari, Akin et palpaolyan mon ayewen ka na satan ya aso? Abuloyan mo ak pan onla, ta potuten koy olo to!

2 Samuel 16:9 Referans Kwoze

Exodo 22:28

“Ag kayo mansasalita na maoges sumpad Dios, tan ag yo isasamba so pangulo na saray totoo yo.

2 Samuel 9:8

Dinmakmomo lamet si Mefiboset tan kuanto, “Singa ak la inatey ya aso, katawan! Akin et ontan lay abig na linawam ed siak?”

2 Samuel 3:8

Lapud saya, pinmetang a maung so olo nen Abner. Inkuanto, “Nababaluan mon manlilingkur ak ed Juda. Traidor ak sirin? Nanlapu lad gapo matoor ak ed Saul ya amam, saray agagi ton lalaki, tan saray kakaaro to, tan iyaagel ta kad kinen David; natan balet aakusaen mo ak a nankasalanan lapud sakey a bii!

1 Samuel 24:14

Nengneng mo no siopay labay a pateyen na ariy Israel! Nengneng mo no siopay oosilan to! Sakey ya inatey ya aso, sakey a lies!

1 Pedro 2:17

Pagalangan yo ray amin a katoowan tan aro yo ray kapara yon mananisian agagid Cristo. Mambilay kayon walay takot ed Dios tan walay panangigalang ed Impirador.

Saray Gawgawa 23:5

Inmebat si Pablo, “Ag ko amta, agagi, a sikato et Pangulon Pari manaya. Ta ibabagay Masanton Sulat, ‘Ag ka mansasalitay maoges sumpad manoley ed saray totoom!’”

Lucas 9:54

Nen naamtaan ya na saray disipulon si Santiago tan si Juan, inkuanda, “Katawan, onabuloy kan manawag kamiy apoy a manlapud tawen a maneral ed sikara?”

2 Samuel 3:30

Kanyan akabawi si Joab tan si agi ton Abisai ed kinen Abner lapud impamatey tod agi ran si Asael diad bakal ed Gabaon.

2 Samuel 19:21

Inkuanen Abisai a lakin anak nen Sarvia, “Nepeg a pateyen si Simei, ta inayew toy toon pinili na Katawan a manari.”

2 Samuel 19:22

Balet inkuanen David ed saray sanagin Abisai tan Joab, “Siopay anepet ed sikayo no antoy nepeg a gawaen? Labay yon itdan ak na gunigon? Siak la natan so ari na Israel; anggapoy Israelitan napatey natan ed sayan agew.”