2 Samuel 16:8 - Maung A Balita Biblia

⁸ Inalam so nanarian nen Saul, et natan dudusaen kay Katawan lapud impamatey mod amayamay a kabyangay pamilya nen Saul. Inter na Katawan so nanarian ed anak mon si Absalom, tan aderal ka la, sikan managpatey na too!”

Maung a Balita Biblia

⁸ Inalam so nanarian nen Saul, et natan dudusaen kay Katawan lapud impamatey mod amayamay a kabyangay pamilya nen Saul. Inter na Katawan so nanarian ed anak mon si Absalom, tan aderal ka la, sikan managpatey na too!

2 Samuel 16:8 Referans Kwoze

2 Samuel 1:16

Insan inkuanen David ed samay Amalecita, “Sikan diliy amasabid laman mo na sayan agawad sika. Sinintinsiaan moy dusa so sikan dili diad impangibagam a pinatey moy lakin pinili na Katawan a manari.”

Saray Huis 9:24

Agawa ya, pian nabayaran day maoges a ginawa nen Abimelec tan saray totood Sikem ya anogsog ed sikato a mamatey ed saray pitomplon lalakin anak nen Gedeon.

Puyan 16:6

Pinaagos day dala na saray totooy Dios tan saray propita, kanyan initdan mo ray dala ya inomen da. Kanepegan a nagawad sikara ya!”

Saray Salmo 4:2

Kapigay itonda yon mamapabaing ed siak, sikayo ran totoo? Kapigay itonday pangaaro yod andi-kakanaan iran salita tan say panaanap yod saray tila?

Saray Salmo 3:2

Tongtongtongen da ak tan kuanda, “Ag tulongan na Dios.”

2 Samuel 21:9

Impalima ra nen David ed saray totood Gabaon, insan da ra imbibitay ed palandey, diad arap na Katawan—inaatey iran amin a pito. Onggapo lay tiagew tan say panagani na sibada nen pinatey da ra.

2 Samuel 19:21

Inkuanen Abisai a lakin anak nen Sarvia, “Nepeg a pateyen si Simei, ta inayew toy toon pinili na Katawan a manari.”

2 Samuel 21:1

Legan na impanoley nen David, walay eras a taloy taon. Impanon ya nen David ed Katawan, et say Katawan kuanto, “Nankasalanan si Saul tan say pamilya to lapud impamatey dad saray taga Gabaon.” (

Saray Salmo 55:3

Napapagaan ak lapud panagtaktakot da ray kalaban ko, tan lapud panagpairap da ray totoon maoges. Iitdan da ak na gunigon; ampetang so olo rad siak tan kabosul da ak.

2 Samuel 19:19

tan kuanto, “Kagalang kon Ari, ipangasim pan lingwanan mo la may makapoy a ginawak diad samay agew a tinaynan moy Jerusalem. Ag mo la komun ipapakasalanan ed siak; ag mo la komun nununoten.

1 Saray Arari 2:8

“Sakey met iman si Simei a lakin anak nen Gera tan taga baley na Bahurim a sakop nen Benjamin. Mapalalo so impangisamba tod siak diad samay agew a linma ak ed Mahanaim, balet nen inabet to ak ed Ilog na Jordan sinambaan kod sikato ya ag ko papatey.

Probirbio 26:2

Ag ka napasakitan na saray samba no ag mo ra kanepegan. Singa ra manok ed tagey ya ontitikyab balet ta ag ondapo.