2 Samuel 16:10 - Maung A Balita Biblia

¹⁰ Inkuan na ari ed sanagin si Abisai tan si Joab, “Anggapoy pibabali yod saya. No aayewen to ak lapud imbagay Katawan ed sikato, siopay toon walay kanepegan a manepet no akin et gagawaen to?”

Maung a Balita Biblia

¹⁰ Inkuan na ari ed sanagin si Abisai tan si Joab, Anggapoy pibabali yod saya. No aayewen to ak lapud imbagay Katawan ed sikato, siopay toon walay kanepegan a manepet no akin et gagawaen to?

2 Samuel 16:10 Referans Kwoze

2 Samuel 19:22

Balet inkuanen David ed saray sanagin Abisai tan Joab, “Siopay anepet ed sikayo no antoy nepeg a gawaen? Labay yon itdan ak na gunigon? Siak la natan so ari na Israel; anggapoy Israelitan napatey natan ed sayan agew.”

Saray Taga Roma 9:20

Balet, kaaro, siopa kan too ya onebat ed Dios? Ibaga kasi na banga ed toon nanggawad sikato, “Akin et onyay impanggawam ed siak?”

Juan 18:11

Inkuanen Jesus ed Pedro, “Ikaluban mo tay ispadam. Ag ko ta nepeg ya inomen so kupay kairapan ya inter na Ama ed siak?”

1 Pedro 2:23

Nen pinapabaingan da, ag to ra pinabaingan. Nen pinapairap da, ag to ra tinaktakot, no ag ingen nanmatalek ed Dios a maptek so panagsintinsia to.

Mateo 16:23

Balet inarap nen Jesus tan inkuanto, “Arawi kad siak, Satanas! Sakey kan mansasaray dalanen ko! Say labay na too so nununoten mo, aliwan say labay na Dios!”

Daniel 4:35

Say pakanengneng tod amin a katoowan et anggapoy kabaliksan da; walad silong na pakayari to iray anghil ed tawen tan saray totoo ed mundo. Anggapoy makasumlang ed linawa to odino makasumpa ed gagawaen to.

2 Samuel 3:39

Anggan sakey ak ya arin pinili na Dios, makapkapoy ak ed sayan agew. Ag ko nayariay inkaruksa da ra yan lalakin anak nen Sarvia! Dusaen komun na Katawan ira yan kriminal onung ed kanepegan da!”

Genesis 50:20

Nankokomplutan yo ak a nanggawaay maoges, balet say Dios impagmaliw to a pankaabigan iman a kaogsan, pian makapambilay iray amayamay a totoo, saray totoon mabilay natan lapud saman ya agawa.

Ecclesiastes 8:4

Walay pakaoley na antokaman a gawaen na ari, tan anggapoy nayarin mibabali.

Say Libro nen Job 9:12

Anggapoy makasebel ed sikato no alaen toy labay to; anggapoy nayarin manepet ed sikato, “Antoy gagawaen mo?”

2 Saray Arari 18:25

Abaloan yo amon ag ak tinulongan na Katawan ed indogpak ed bansa yo tan dineral ko? Say dilin Katawan so angibagad siak a dogpaan koy bansa yo tan deralen ko.”

1 Saray Arari 2:5

“Wala niy ibagak ed sika. Amtam iman so ginawa nen Joab ed siak nen pinatey to ray duaran pangulo na saray sondalo na Israel a di Abner a lakin anak nen Ner tan Amasa a lakin anak nen Jeter. Amtam no panoy impamatey tod sikara nen panaon na kareenan lapud imbawi tod impamatey da nen panaon na bakal. Pinatey to ray totoon anggapoy kasalanan tan natan siak so natetetel lapud saray ginawa to, tan siak so manaani na saray bungay kaogsan to.

Mateo 8:29

Inmeyaeyag iran tampol, “Antoy getmam a gawaen ed sikami, Anak na Dios? Linma ka mamairap ed sikami, anggan ag ni asabiy panaon?”

1 Saray Arari 17:18

Inkuantod kinen Elias, “Too na Dios, akin et ginawam ed siak ya? Linma ka dian mangipanunot ed Dios na kasalanan ko, pian onsabiy patey ed anak ko?”

Saray Salmo 39:9

Mandeen ak, ag ak mangibalikas na anggan anton salita, ta sikay nanlapwan na sayan paniirap ko.

1 Samuel 26:19

Dengel mo pay ibagak, O ari. No say Katawan so anagdag ed sika a sumpaen mo ak, sakey a bagat komuy makaoman na kanunutan to; balet no totooy anagdag, isamba ra komun na Katawan. Pinataynan da ak manlapud dalin na Katawan tan apasoot ak a manayam ed sakey a bansa a saray diriyos to labat so nayarian kon igalang.

2 Samuel 19:23

Insan inkuantod kinen Simei, “Sambaan kod sika ya ag ta ka papatey.”

Saray Tagleey 3:37

Say linawa labat na Katawan so nasusumpal.