2 Samuel 15:21 - Maung A Balita Biblia

²¹ Balet inmebat si Itai, “Kagalang kon Ari, sambaan kod sika diad ngaran na mabilay a Katawan, a mila ak lawas ed sika anggan iner so laen mo, patey may pansumpalan tayo.”

Maung a Balita Biblia

²¹ Balet inmebat si Itai, Kagalang kon Ari, sambaan kod sika diad ngaran na mabilay a Katawan, a mila ak lawas ed sika anggan iner so laen mo, patey may pansumpalan tayo.

2 Samuel 15:21 Referans Kwoze

Probirbio 17:17

Saray kakaaro ipanengneng da lawas so panangaro ra. Antoy kana na sanaagi no ag ira mantatambayan ed gunigon?

2 Saray Arari 4:30

Inkuan na samay bii ed kinen Eliseo, “Mansasamba ak diad inkatoor kod mabilay a Katawan tan diad sika ya ag ta ka taynan!” Kanyan akilay Eliseo ed samay bii nen pinmawil.

2 CORINTO 7:3

Ibabagak ya, aliwan say sintinsiaan ta kayon nadusa. Ta singa samay imbagak la, inararo mi kayo tan manoolup itayod bilay o patey.

Saray Gawgawa 21:13

Balet inmebat, “Akin et onaakis kayo? Ag yo kari papakapoyey liknaan ko! Aliwa ak labat a sipaparaan a pabalur ed Jerusalem no ag pati papatey lapud ngaran nen Jesus a Katawan.”

Saray Gawgawa 11:23

Nen sinmabid man tan anengneng toy pamibindision na Dios ed sikara makaliliket, tan binilin to ran amin a mansiansia ran matoor tan matwa ed Katawan diad intiron puso ra.

Probirbio 18:24

Wala ray totoon konkonwarin kaaro, balet saray arum a kaaro matoor ira nen saray dilin agagi.

2 Saray Arari 2:6

Insan inkuanen Elias ed kinen Eliseo, “Tilak ka dia natan; ingganggan na Katawan ya onla ak ed Ilog na Jordan.” Balet inmebat si Eliseo, “Sambaan ko diad inkatoor kod mabilay a Katawan tan diad sika ya ag ta ka sianan.” Kanyan linma ran dua,

2 Saray Arari 2:4

Insan inkuanen Elias ed kinen Eliseo, “Tilak ka dia natan; ingganggan na Katawan ya onla ak ed Jerico.” Balet inmebat si Eliseo, “Sambaan ko diad inkatoor kod mabilay a Katawan tan diad sika, ya ag ta ka sianan.” Kanyan linma ran dua ed Jerico.

2 Saray Arari 2:2

nen wala rad dalan inkuanen Elias ed kinen Eliseo, “Tilak ka dia, ta ingganggan na Katawan ya onla ak ed Betel.” Balet inmebat si Eliseo, “Sambaan ko diad inkatoor kod mabilay a Katawan tan diad sika ya ag ta ka sianan.” Kanyan linma ran dua ed Betel.

1 Samuel 25:26

Say Katawan so manesebel a sikan dili so ombawi tan mamatey ed saray kalaban mo. Natan sambaan ko diad ngaran na mabilay a Katawan a nadusan singa si Nabal iray kalaban mo tan amin da ray malabay a mamasakit ed sika.

1 Samuel 20:3

Balet inmebat si David, “Kabkabat nen amam so ontan lan panangarom ed siak, kanyan ginetma to lan iyamut ed sikay gawaen to, pian ag ka nasakitan a maung. Sambaan kod sika diad ngaray mabilay a Katawan a wala ak lad sangabay lobuk!”

2 Samuel 15:22

Inmebat si David, “Sigi sirin, kurang ki la!” Akila sirin si Itai tan amin iray totoo to, a pati saray kabyangay pamilya ra.