2 Samuel 15:18 - Maung A Balita Biblia

¹⁸ Manalalagey ed diking to ray amin ya opisyal to, legan a linmabas ed arap to ray managbantay ed sikato. Linmabas met ed arap to iray anem a lasus a sondalon nanlapud Gat a tinmombuk ed sikato.

Maung a Balita Biblia

¹⁸ Manalalagey ed diking to ray amin ya opisyal to, legan a linmabas ed arap to ray managbantay ed sikato. Linmabas met ed arap to iray anem a lasus a sondalon nanlapud Gat a tinmombuk ed sikato.

2 Samuel 15:18 Referans Kwoze

2 Samuel 8:18

si Benaya a lakin anak nen Joiada so akaoley ed saray bantay ed kinen David; tan saray lalakin anak nen David et papari ra.

1 Saray Awaran 18:17

si Benaya a lakin anak nen Joiada so makaoley ed saray umaantabay ed kinen David—salanti saray Kereteo tan saray Peleteo; tan saray lalakin anak nen Ari David et atatagey a betang so ineegnaan da diad impanlingkur dad sikato.

1 Saray Arari 1:38

Kanyan si Sadoc, si Natan, si Benaya, tan saray umaantabay na ari et pinakabayo ray Solomon ed mula nen Ari David, tan inolup dan linmad Gihon.

2 Samuel 20:23

Si Joab so pangulo na saray sondalod Israel; si Benaya a lakin anak nen Joiada so pangulo da ray bantay na ari;

2 Samuel 20:7

Kanyan saray totoo nen Joab, saray bantay na ari, tan amin iray arum a sondalo tinaynan day Jerusalem a kaiba ray Abisai, ta osilan day Seba.

1 Samuel 30:14

Dinogpaan miy lugar da ray Kereteo, diad sagur na Juda, tan say lugar da ray boleg nen Caleb; pinoolan miy Siclag.”

2 Samuel 18:2

Imbaki to ran taloran grupo; si Joab so panguloy sakey, si Abisai ya agi to so panguloy sakey, tan si Itai a taga Gat so panguloy sakey met. Inkuan na ari ed saray totoo to, “Mila ak ed sikayo.”

2 Samuel 6:10

Kanyan ag to la labay ya awiten ed Jerusalem; ingen, inmiwas ed dalan tan intilak to lad abung nen Obed-edom a taga siudad na Gat.

1 Samuel 27:3

Nanayam irad Gat a kaiba da ray pamilya ra. Kaiba nen David iray duaran asawa to, a si Ahinoam a taga Jezreel, tan si Abigail ya asawa nen Nabal a taga Carmel.

1 Samuel 23:13

Kanyan si David tan saray totoo to—sakey a anem a lasus iran amin—tinmayinan ran tampol so Keila tan nanalis-alis ira. Nen nadngelan nen Saul a tinaynan nen David so Keila, ag to la intuloy so getma to.

1 Samuel 25:13

“Ibalkes yo ray ispada yo!” ingganggan to, et sikatoy ginawa ran amin. Imbalkes met nen David so ispada to tan pinmikal a kaiba to ray sakey a apat a lasus a lalaki; saray duan lasus atilak iran mambantay ed saray abasto.

1 Samuel 30:1

Kalabas na duay agew, sinmabid Siclag si David tan saray totoo to. Dinogpaan na saray Amalecita so sagur na Juda tan say Siclag. Pinoolan day baley na Siclag,

1 Samuel 30:9

Pinmikal si David tan saray anem a lasus a totoo to, et nen akasabi rad Kolus na Besor, tinmilak iray arum diman.

2 Samuel 15:17

Nen say ari tan amin a totoo to et tataynan day siudad, tinmonda ra ed kasamputan ya abung.

1 Samuel 27:4

Nen nadngelan nen Saul a batik ed Gat si David, tinondaan to lan anapen.