2 Samuel 15:16 - Maung A Balita Biblia

¹⁶ Kanyan tinmaynan so ari a kaiba to ray amin a kabyangay pamilya to tan saray opisyal to, likud ed saray samploran asawa to a pinatilak to ran mangasikasoy palasio.

Maung a Balita Biblia

¹⁶ Kanyan tinmaynan so ari a kaiba to ray amin a kabyangay pamilya to tan saray opisyal to, likud ed saray samploran asawa to a pinatilak to ran mangasikasoy palasio.

2 Samuel 15:16 Referans Kwoze

Saray Salmo 3:1

Amayamay iray kalaban ko, Katawan dakerakel iray onsusumpad siak!

2 Samuel 20:3

Kasabi nen David ed palasio tod Jerusalem, inala to ra may samploran iyaamung ton bibii ya intilak to ran manasikasoy palasio, insan to ra impabantayan. Initdan to ray pambilay da, balet ag to la ran balut inakdulan. Apokuk ira legan na impanbilay da; nambilay iran singa saray balo.

Saray Taga Roma 12:2

Ag yo aaligey panagbilay na sankamundoan. Ingen paoman yo lad Dios so panagbilay yo, pian naamtaan yoy linawa na Dios—no anto so maung, makapaliket ed Dios, tan ayadyari.

2 Samuel 12:11

Tandaan mo, dagdagen ko a manngunigon ed sika so sakey a kabyangay pamilyam. Naimatunan mo ya, no alaen ko ray asawam insan ko ra iter ed sakey a laki; akdulan to ra ya anggan agew.

1 Samuel 25:42

Magangganat ya inmalagey tan kinmabayod asno to. Inolup na limaran aripen ton bibii diad impila tod saray aripen nen David, tan nagmaliw ya asawa to.

1 Samuel 25:27

Kanyan awat mo pa yay panangaron awit ko a para sika, tan iter mod saray totoom.

Saray Huis 4:10

Tinawag diman nen Barac iray kabyangay tribu di Zabulon tan Neftali, tan tinmombuk ed sikato iray samplon libon lalaki. Akilad sikato si Debora.

2 Samuel 15:15

Inmebat ira, “On, Kagalang min Ari, wadya kamin akaparaan a manggawa na antokaman ya ibagam.”

2 Samuel 15:17

Nen say ari tan amin a totoo to et tataynan day siudad, tinmonda ra ed kasamputan ya abung.

2 Samuel 12:2

Samay mayaman amayamay so baka tan karniro to.

2 Samuel 19:10

Nilanaan tayoy Absalom a manari, balet apatey ed bakal. Kanyan akin et anggapoy mamapawil dia ed kinen Ari David?”