2 Samuel 14:2 - Maung A Balita Biblia

² Kanyan impaawit toy sakey a biin masilib a taga Tecoa. Kasabi to, inkuanen Joab ed sikato, “Mankonkuanan kan maermen; mambaliwan ka, tan ag mo sasagaysayen so buek mo. Ipanengneng mon sakey kan bii ya abayag lan maneermen.

Maung a Balita Biblia

² Kanyan impaawit toy sakey a biin masilib a taga Tecoa. Kasabi to, inkuanen Joab ed sikato, Mankonkuanan kan maermen; mambaliwan ka, tan ag mo sasagaysayen so buek mo. Ipanengneng mon sakey kan bii ya abayag lan maneermen.

2 Samuel 14:2 Referans Kwoze

2 Saray Awaran 11:6

Betlehem, Etam, Tecoa,

Amos 1:1

Sikara yay salita nen Amos, sakey a pumapastol a taga baley na Tecoa. Duay taon kasakbayan na insabiy yegyeg, nen ari na Juda si Uzias tan si Jeroboam a lakin anak nen Joas so ari na Israel, impaamta na Dios ed kinen Amos ira yan bengatlan nipaakar ed Israel.

Ruth 3:3

Kanyan manames ka, mampabalingit ka, tan isolung moy sankarakepan a kawes mo. Insan lakad panagilikan, balet ag mo ipapalikas a wadman ka anggad ag ni asumpal ya angan tan inminom.

Jeremias 6:1

Totood Benjamin, batik kayod pasen ya arawiy kaatapan! Ibatikan yoy Jerusalem! Paknul yod Tecoa so trumpita tan itagey yod Bet-hakarem so sinyas. Ngalngali la onsabin manlapud baybay so gunigon tan baleg a deral.

Nehemias 3:5

Impaalagey na saray lalakid Tecoa so onsoblay a soldung na padir, balet saray manonan lalakid baley et ag tinmoluk ed saray makaoley ya angibagad sikaran mankimey.

2 Saray Awaran 20:20

Diad kabkabwasan ed ontombuk ya agew saray totoo linma rad kalawakan ya asingger ed Tecoa. Legan dan oonla, nanalagey si Josafat tan kuantod sikara, “Totood Juda tan Jerusalem! Manmatalek kayod Katawan a Dios yo, et ag kayo napasoner. Manisia kayod saray ibabaga da ray propita to, et manalo kayo.”

2 Samuel 12:20

Binmangon ed datal si David, nanames, nansagaysay, tan nampales. Insan linman angigalang ed abung na Katawan. Nen pinmawil ed palasio, kinmerew na nakan, tan kapangisaklang da, angan.

Mateo 6:17

No manayuno ka, mandilamos tan mansagaysay ka,

Ecclesiastes 9:8

Ipanengneng mo lawas a maliket tan magayaga ka.

Saray Salmo 104:15

tan makapanggawa ray alak a pakaliketan da, larak na oliba a pakagayagaan da, tan tinapay a pakabiskegan da.

Nehemias 3:27

Impaalagey na saray lalakid siudad na Tecoa so onsoblay a soldung na padir manlapud petek na baleg a torin mangguaguardiad Timplo ya anggad padir ya asingger ed Ofel; kumadwa yan impaalagey da.

2 Samuel 11:26

Nen nadngelan nen Bat-seba ya inatey so asawa to, inermenan to.

2 Samuel 20:16

Dimad dalem na siudad walay sakey a biin masilib; manlapud padir inmeyag, “Dengel kayo! Dengel kayo! Ibaga yod kinen Joab ya onasingger dia, ta labay koy mitongtong ed sikato.”

1 Saray Arari 14:2

Inkuanen Jeroboam ed kinen asawa to, “Oman moy nengneng mo, pian anggapoy makabirbir ed sika. Insan lakad Silo a panaayaman nen Ahias, say propitan angibagan manari ak ed Israel.

1 Saray Arari 14:5

Imbaga na Katawan ed sikato ya onsasabiy asawa nen Jeroboam, ta tepeten to so nipaakar ed lakin anak to a mansasakit. Imbaga met na Katawan no antoy nepeg ton ibaga. Sinmabi may asawa nen Jeroboam, tan nankonkoanan a sananey a bii.

Genesis 38:19

Sinmempet lay Tamar, inekal toy pandung to, tan insolung to lamet iray kawes na balo.