2 Samuel 14:14 - Maung A Balita Biblia

¹⁴ Ompatey itayon amin; aliling tayoy danum a naibung ed dalin, ya ag la nakupkup. Anggan say Dios ag to la pabibilayen iray inatey a totoo, balet nayarian na ari a papawilen so toon nibantak ed arum a bansa.

Maung a Balita Biblia

¹⁴ Ompatey itayon amin; aliling tayoy danum a naibung ed dalin, ya ag la nakupkup. Anggan say Dios ag to la pabibilayen iray inatey a totoo, balet nayarian na ari a papawilen so toon nibantak ed arum a bansa.

2 Samuel 14:14 Referans Kwoze

Say Libro nen Job 30:23

Amtak ya iyaakar mo ak la ed patey, say pansumpalan na amin a mabilay.

Saray Hebreo 9:27

Nigetar ed balang too a maminsan ya ompatey, tan kasumpal to sintinsiaan na Dios.

Saray Bilang 35:28

Samay toon nankasalanan na impakapatey nepeg a manayam ed siudad na salimbengan ya anggad ipatey na Pangulon Pari, balet kapatey to nayarian to lay onsempet.

Say Libro nen Job 34:15

ompatey ya amin iray totoon mabilay tan ompawil irad dabuk.

Saray Bilang 35:25

Say karaklan et nepeg ya iyagel dad kanayon na samay toon napatey imay toon makapatey, kanyan nepeg dan ipawil ed siudad na salimbengan a binatikan to la. Nepeg a manayam diman ya anggad ipatey na Pangulon Pari ed saman a panaon.

Saray Bilang 35:15

Sikara so siudad a salimbengan na saray Israelita tan saray sangkailin magano ra labat odino mansiansia ran manayam ed kawalaan yo. Siopamay makapatey ya ag to ginagala et nayarin ombatik ed sarayan siudad.

Ecclesiastes 9:5

On, saray mabilay amta ra ya ompatey ira, balet saray inaatey anggapoy amta ran balut. Anggapo lay arum a tumang da; sigput la ran alingwanan.

Saray Salmo 22:14

Anggapo lay biskeg ko; naandin singa danum a naibung ed dalin. Akidkidwas la ray amin a pokepokel ko; atonaw a singa kandila so pusok.

Say Libro nen Job 14:14

No ompatey so too, nabilay ni kasi? Balet manalagar ak na magmaung a panaon, anggad napalabas yan panaon na gunigon.

Saray Taga Roma 2:11

Ta anggapoy nilabi ed pangipapasen na Dios ed amin a katoowan.

Mateo 22:16

Imbaki rad kinen Jesus iray pigaran disipulo ra tan pigara met a totoo nen Herodes. Inkuanda, “Maistro, kabat min tuan amin iray ibabagam, ta ibabangat mo ray totoo no antoy linawa na Dios nipaakar ed sikara. Ag ka manangibiig, lapud nampaparay pangipapasen mod amin a totoo.

Saray Salmo 90:10

Pitomploy taon labat so karokey na bilay mi, o walomplo no mabiskeg kami; anggaman ontan, ermen tan segsegang labat so iiter dad sikami; nanagonuyan, anggapo lay bilay mi tan naandipat kami la.

Saray Salmo 90:3

Ibabagam ed too ya ompawil ed dabuk a gendat a kipapasen to.

Saray Salmo 79:3

Imbung dan singa danum so dala da ray totoom; say dala ra inmagos ed intiron Jerusalem, et anggapoy akeraan a mangipompod saray bangkay.

Saray Salmo 58:7

Naandipat ira komun a singa danum ya onaagos ed arawi; nagatin-gatinan tan namagaan ira komun a singa dikarikad basbas.

Say Libro nen Job 34:19

Pinalsa na Dios so balang sakey; ag to pipilaan iray manoley, odino kikilingan iray mayaman tan papaulyan iray mairap-bilay.

2 Samuel 11:25

Inkuanen David ed samay imbaki, “Pabiskeg moy linawa nen Joab. Ibagam ed sikato ya ag nagogoloy isip to, ta ag nibaga no siopay napatey ed bakal. Ibagam met ed sikato ya ag nagogoloy isip to, ta ag nibaga no siopay napatey ed bakal. Ibagam met ed sikato a pabiskegen toy idogpa tod siudad, pian nadakep yo.”

Deuteronomio 10:17

Say Katawan a Dios yo et makapanyari nen saray amin a diriyos tan walad silong to ray amin a pakayari. Sikato so matalonggaring tan makapanyari, tan sikato so nepeg a toluken. Anggapoy lalabien to, tan ag to mangaawat na pasoksok.

Levitico 26:40

“Balet saray kabyangay boleg yo ipatua da ray kasalanan da tan saray kasalanan da ray lalaki ra ya anumlang tan linmaban ed siak,

1 Pedro 1:17

Say Dios anggapoy lalabien to. Sintinsiaan toy balang sakey onung ed saray ginagawa to; tan lapud tatawagen yo na Ama, nepeg yon pagalangan legay panayam yo a sangkaili diad tapew na dalin.

Saray Gawgawa 10:34

Insan nampaliwaway Pedro: “Natan ko la atebek ya anggapoy lalabien na Dios.

Exodo 21:13

Balet no ag to tinalaranan tan ag to ginagalan apatey imay too, nayarian toy ombatik ed sakey a pasen a pilien kon para sikayo.

2 Samuel 14:15

Natan, Kagalang kon Ari, say makasengeg na nilaan ko dian mitongtong ed sika et lapud tataktakoten ak na saray totoo; kanyan kuankod siak a dili a mitongtong ak ed sika, ta ag la pigan gawaen moy kerewen kod sika.

1 Saray Arari 11:39

Lapud kasalanan nen Solomon dusaen ko ray kabyangay boleg nen David, balet aliwan ando lan ando so panusak.’”

Saray Salmo 22:15

Say kolukolung ko et amagaan a singa dabuk, tan ompepeket so dilak ed tawen-tawen ko. Tinaynan mo ak ya ompapatey ed dabuk.

Saray Salmo 77:8

Tinmonda la kasin mangarod sikatayo? Anggapo la kasiy kana na sipan to?

Saray Tagleey 3:31

Mapangasi so Katawan tan ag to itayo ikaindan ed ando lan ando.

Ezekiel 18:23

Abaloan yo a maliket ak a makanengneng ed maoges a too ya ompatey?” tepet na Katawan a Dios. “Andi, labay ko nin sikatoy nanengneng kon magbabawi tan mambilay.