2 Samuel 14:12 - Maung A Balita Biblia

¹² “Iyabuloy mo pan mangibaga ak niy sakey a bengatlad sika, Kagalang kon Ari,” inkuanto may bii. “On, sigi,” kuan na ari.

Maung a Balita Biblia

¹² Iyabuloy mo pan mangibaga ak niy sakey a bengatlad sika, Kagalang kon Ari, inkuanto may bii. On, sigi, kuan na ari.

2 Samuel 14:12 Referans Kwoze

Saray Gawgawa 26:1

Inkuanen Agripa ed kinen Pablo, “Naabuloyan kan mansalita, pian niagel moy laman mon dili.” Inyonat nen Pablo ray lima to a pangiter toy galang, insan inyagel toy laman ton dili diad panamegley na sarayan balikas:

Jeremias 12:1

“Katawan, no manriklamo ak ed sika, napaneknekan mon matonung ka. Anggaman ontan tepetan ta ka na nipaakar ed katonungan. Akin et maaligwas so panagbilay da ray totoon maoges? Akin et mapalabo ray managpalikdon totoo?

1 Samuel 25:24

diad saliyan nen David, tan kuantod sikato, “Ipangasim, dengel mo ak! Siak lay tetel mo ed amin ya agawa.

Genesis 44:18

Inmasingger si Juda ed kinen Jose tan inkuanto, “Abuloyan mo ak pan misalitad sika. Ag ka komun mamapasnuk ed siak, O katawan; kaparam lay ari.

Genesis 18:32

Inkuanen Abraham, “Ag ka komun mamapasnuk, Katawan, ta mikasi ak nin maminsan. No bilang ta samsamploray narumog diman a matonung?” Inmebat, “No walay samplora, ag ko deralen lapud sikara.”

Genesis 18:27

Nansalita lamet si Abraham, “Pasinsiaan mo pa lay tepel na linawak a misalita lamet ed sika, Katawan. Sakey ak labat a too, tan anggapoy kanepegan kon onkerew.

2 Samuel 14:11

Inkuanto may bii, “Mampikasi ka pad Katawan a Dios mo, pian say kanayon kon labay toy ombawi et ag to la labay so mamatey, et diad ontan, ag la napatey imay sakey ya anak ko.” Inmebat si David, “Isipan kod mabilay a Katawan ya ag balut nadiwit so anak mo.”

2 Samuel 14:13

Inkuanto may bii ed sikato, “Akin et onyay ginawam a kaogsan ed saray totoo na Dios? Ag mo abuloyan ya ompawil so anak mon binmatik, kanyan sikan diliy anintinsia a nalilingo ka diad panamegley na samay kapkapangibagam.

2 Samuel 20:17

Linmay Joab, tan tinepet to may bii, “Sika si Joab?” “On,” ebat to. “Dengel mo ak,” inkuanto may bii. “Onderengel ak,” ebat nen Joab.

1 Saray Arari 2:14

insan to inyarum, “Wala pa labat so kerewen kod sika.” “Anto tan?” tepet nen Bat-seba.