2 Samuel 14:11 - Maung A Balita Biblia

¹¹ Inkuanto may bii, “Mampikasi ka pad Katawan a Dios mo, pian say kanayon kon labay toy ombawi et ag to la labay so mamatey, et diad ontan, ag la napatey imay sakey ya anak ko.” Inmebat si David, “Isipan kod mabilay a Katawan ya ag balut nadiwit so anak mo.”

Maung a Balita Biblia

¹¹ Inkuanto may bii, Mampikasi ka pad Katawan a Dios mo, pian say kanayon kon labay toy ombawi et ag to la labay so mamatey, et diad ontan, ag la napatey imay sakey ya anak ko. Inmebat si David, Isipan kod mabilay a Katawan ya ag balut nadiwit so anak mo.

2 Samuel 14:11 Referans Kwoze

1 Samuel 14:45

Balet inkuan na saray totoo ed kinen Saul, “Pateyen kasi si Jonatan ya angipanguloy impanalo na Israel? Andi! Isipan mid mabilay a Katawan ya ag naandi so anggan saksakey a buek nen Jonatan. Tinulongan na Dios ed ginawa tod sayan agew.” Kanyan saray totoo impaliis day Jonatan ed ipapatey.

Mateo 10:30

Anggan say buek na olo yo et abilang ira.

Saray Bilang 35:19

Say sankaasinggeran a kanayon na pinatey so akaoley a mamatey na samay amatey. No narumog to, nepeg a pateyen to.

Saray Gawgawa 27:34

Kanyan kerewen kod sikayo a mangan ki la! Nakaukolan yoy mangan pian nilaban kayo. Anggapoy narisgod sikayo. Ag nabalang so anggan sakey a buek na siopaman ed sikayo!”

1 Saray Arari 1:52

Inmebat si Solomon, “No ipanengneng ton matoor ed siak, anggapoy maoges a nagawad sikato, balet no andi, nepeg a pateyen.”

Saray Bilang 35:21

odino pamoniti to, sikatoy mankasalanan lapud impakapatey toy too, kanyan nepeg a pateyen. Say sankaasinggeran a kanayon na pinatey so akaoley a mamatey na samay amatey. No narumog to, nepeg a pateyen to.

Jeremias 4:2

Diad satan, matwa, matonung, tan maptek so pansamba yo ed ngaran ko. Insan kerewen na amin a bansa a bindisionan ko ra, tan dayewen da ak.”

1 Samuel 28:10

Insamba nen Saul, “Diad ngaran na mabilay a Katawan, isipan kod sikan ag ka nadusa diad panggawam ed saya.”

1 Samuel 20:42

Insan inkuanen Jonatan ed kinen David, “Wala komuy Dios ed sika. Andi-duaruwan ontulong so Katawan pian sika tan siak, saray kabyangan na boleg mo tan saray kabyangan na boleg ko, et tooren tayon anggad angga so masanton sipanan tan dua.” Insan tinmaynan lay David tan amawil lad baley si Jonatan.

Saray Bilang 35:27

et pinatey na akarumog ed sikaton kanayon na samay apatey to, sayan bales et aliwan kasalanan na impakapatey ed sakey a too.

Genesis 31:50

Intuloy nen Laban ya inkuan, “No makapoy so ipatnag mod saray anak ko, o mangasawa ka na arum a bibii, anggaman ya ag ko amta, ag mo lilingwanan a bambantayan ita na Dios.

Genesis 14:22

Inmebat si Abram, “Sambaan kod Katawan, say Sankatageyan a Dios a Manamalsay tawen tan dalin,

2 Samuel 14:10

Inmebat so ari, “No walay manaktakot ed sika, awit mo dia et ag to ka lad satan sigensigenen.”

2 Samuel 14:12

“Iyabuloy mo pan mangibaga ak niy sakey a bengatlad sika, Kagalang kon Ari,” inkuanto may bii. “On, sigi,” kuan na ari.

2 Samuel 14:21

Nanagonuyan, inkuan na ari ed kinen Joab, “Ninunot kon gawaen so labay mon nagawa. Laka, ta papawil mo la dia may balolakin Absalom.”