2 Samuel 13:37 - Maung A Balita Biblia

^37-38 Batik si Absalom tan linmad ari na Gesur a si Talmai a lakin anak nen Amihud, tan nanayam diman na taloy taon. Abayag ya inermenan nen David si Amnon;

Maung a Balita Biblia

^37-38 Batik si Absalom tan linmad ari na Gesur a si Talmai a lakin anak nen Amihud, tan nanayam diman na taloy taon. Abayag ya inermenan nen David si Amnon;

2 Samuel 13:37 Referans Kwoze

2 Samuel 3:3

Kileab, a say ina to et si Abigail a balo nen Nabal a taga Carmel; Absalom, a say ina to et si Maaca ya anak nen Ari Talmai a taga Gesur;

1 Saray Awaran 3:2

Say kumatlo si Absalom ya anak tod kinen Maaca ya anak nen Talmai ya ari ed Gesur. Say kumapat si Adonias ya anak tod kinen Hagit.

2 Samuel 14:32

Inmebat si Absalom, “Ag ka ondago nen impatawag ta kan onla dia, pian nibaki ta kad ari ya ontepet diad ngaran ko: ‘Akin et tinaynan ko niy Gesur tan linma ak dia? Maung la laingen no ag ak inmalis diman.’” Intuloy nen Absalom so nansalita, “Gawam so polaing a pakapitongtong kod ari, tan no walay kasalanan ko, papatey mo ak ed sikato.”

2 Samuel 14:23

Kanyan pinmikal si Joab, linmad Gesur tan pinapawil tod Jerusalem si Absalom.

2 Samuel 13:34

Batik la balet si Absalom. Kabebekta say bantay anengneng tod dalan ed gilig na palandey so olup na totoon onsasabin nanlapud Horanaim. Linmad kinen ari tan imbalita toy anengneng to.

2 Samuel 13:36

Kapangibaga tod saya, sinmabi ray lalakin anak nen David; insan ira manorangal, tan inmakis na ampaipait si David tan saray opisyal to.

2 Samuel 14:13

Inkuanto may bii ed sikato, “Akin et onyay ginawam a kaogsan ed saray totoo na Dios? Ag mo abuloyan ya ompawil so anak mon binmatik, kanyan sikan diliy anintinsia a nalilingo ka diad panamegley na samay kapkapangibagam.

2 Samuel 15:8

Nen manaayam ak ed Gesur, diad Siria, insipan kod Katawan a no papawilen to ak ed Jerusalem, igalang ko ed Hebron.”