2 Samuel 13:28 - Maung A Balita Biblia

²⁸ tan binilin to ray aripen to: “Imano yo no akainom lan maung si Amnon, tan kapangiganggan ko, patey yo. Ag kayo natatakot ta siak a dili so makaoley. Mampasebeg kayo tan ag kayo ontatalaw!”

Maung a Balita Biblia

²⁸ tan binilin to ray aripen to: Imano yo no akainom lan maung si Amnon, tan kapangiganggan ko, patey yo. Ag kayo natatakot ta siak a dili so makaoley. Mampasebeg kayo tan ag kayo ontatalaw!

2 Samuel 13:28 Referans Kwoze

Saray Huis 19:6

Kanyan inmirung ira may duaran lalaki, angan tan inminom ira. Insan samay ama na bii kuantod samay Levita, “Mansanlabi ka ni dia kari tan manliket ka.”

Saray Huis 19:22

Manliliket ira nen kabebekta walay ray pigaran lalakin marotak so inkatoo ra a sinmabi ran nanlapud baley. Niliktub da may abung tan ginapwan day nantoktok ed kaput. Inkuandad samay masiken, “Ipaway mo dia tay lakin kaibam a sinmempet! Labay miy miakdul ed sikato!”

Saray Huis 19:9

Nen ompikal la lamet imay laki, samay kaamung ton bii, tan samay aripen, inkuan na samay ama, “Onlalabi la; ogip kayo ni dia laingen. Mansanlabi kayo ni dia; dia kayo ni tan manliket kayo. Mangabkabwasan kayo lan ompikal nabwas.”

Ruth 3:7

Nen kayari nen Booz ya angan tan inminom, maliket so liknaan to. Linmad abay na nibontun a sibada tan diman la dinmokul a naogip. Nankalkalnad satan si Ruth a sinmingger ed kinen Booz, inlokas toy oles, insan dinmokul ed saliyan to.

Saray Gawgawa 5:29

Inmebat si Pedro tan saray arum ya apostol, “Nepeg min onurey Dios, aliwan saray totoo.

Lucas 21:34

“Manalwar kayo! Ag kayo mapalalon kapaakan tan kapabuek, tan ag kayo met kapagunigon ed panagbilay yo, ta ompan biglan onsabid sikayo yan Agew

Nahum 1:10

Napoolan kayo a singa kapoolan na saray alokut-lokut a sabitan tan amagaan a dayami!

Daniel 5:30

Diad saman lamlamang a labi apatey si Belsasar ya ari na Babilonia;

Ecclesiastes 10:19

Say pista mampagayaga tan say alak mampasayaksak, balet no anggapoy kuarta ag ka makapampista tan makainom na alak.

Ecclesiastes 9:7

Sigi labat—akan moy kanen mo tan manliket ka; inom moy alak mo tan manggayaga ka. Aabubonan na Dios so gawaen mo.

Saray Salmo 104:15

tan makapanggawa ray alak a pakaliketan da, larak na oliba a pakagayagaan da, tan tinapay a pakabiskegan da.

Ester 1:10

Diad kumapiton agew na samay ponsia, maniinom tan maliket so ari, kanyan pinaloob to ray pitoran yunuko ya aripen to ran dili a di Mehuman, Bizta, Harbona, Begta, Abagta, Zetar, tan Carcas.

1 Saray Arari 20:16

Ginmapod kaagwan so indogpa ra legan a si Ben-hadad tan saray talomplo tan duan kakaiba ton pangulo et maniinoman irad dalem na saray tulda ra.

2 Samuel 11:15

Insulat to: “Ipasen moy Urias ed arap na kawalaay pinasyan laban, insan kayo onsoner tan paolyan yon napatey.”

2 Samuel 11:13

Inimbitaan nen David a mandem, insan to binuek. Balet diad saman a labi ag lamet sinmempet ed abung si Urias; ingen, inmogip ed oles to a kaiba to ray guardiay ari.

1 Samuel 28:13

“Ag ka natatakot!” kuanen ari ed sikato, “Antoy nanenengneng mo?” “Nanenengneng kon ompapaway ed dalin so sakey ya ispiritu,” ebat to.

1 Samuel 28:10

Insamba nen Saul, “Diad ngaran na mabilay a Katawan, isipan kod sikan ag ka nadusa diad panggawam ed saya.”

Josue 1:9

Ag mo lilingwanan ya ingganggan ta kan mampabiskeg na linawa tan manmatalek. Ag ka ontatakot tan ag mo pakakapoyey linawam, ta siak a Katawan a Dios mo et olupen ta ka ed iner man a laen mo.”

Genesis 9:21

Aminsan ya agew inminom na alak si Noe, et abuek; inekal toy amin a kawes tod laman to, insan akaogip ed dalem na tulda to.

2 Samuel 12:10

Natan sirin diad balang kailalakan, pigaran kabyangay boleg mo so napatey diad panamegley na ispada, lapud ag mo ak inonur tan inasawam so asawa nen Urias.

2 Samuel 13:27

Balet mapilit si Absalom, kanyan inmabuloy si David a pilaen toy Amnon tan amin da ni ray arum a lalakin anak to. Namparaan si Absalom na panangan a manepeg a para ari,

Exodo 1:18

Impatawag to sirin ira yan manamianak tan tinepet tod sikara, “Akin et onyay gagawaen yo? Akin et ag yo papateyen iray ogogaw a lalaki?”

1 Samuel 18:22

Ingganggan to ray opisyal a mitongtong irad kinen David no anggapoy arum a makadngel tan ibaga rad sikato, “Makaliliket so ari ed sika tan labay ka na amin ya opisyal to; kanyan maung no asawaen mo la natan so anak ton marikit.”

2 Samuel 14:6

Walay duaran anak kon laki; aminsan ya agew, nankokol irad kaalogan ya anggapoy makabelsay ed sikara, et apatey so sakey.