2 Samuel 13:12 - Maung A Balita Biblia

¹² “Andi,” kuanen Tamar. “Ag mo ak papasootan! Ag ya nagagawa ed Israel! Ag ka manggagaway makapabaing!

Maung a Balita Biblia

¹² Andi, kuanen Tamar. Ag mo ak papasootan! Ag ya nagagawa ed Israel! Ag ka manggagaway makapabaing!

2 Samuel 13:12 Referans Kwoze

Saray Huis 20:6

Inalak so bangkay to, tinetegteg ko, insan ko impaiyakar so sakey a tegteg ed balang tribu na Israel. Nanggawa ra man a totoo na maoges tan mabanday a bengatla sumpad sikatayo.

Saray Huis 19:23

Balet pinmaway imay masiken tan kuantod sikara, “Aleg, kakaaro! Ag yo kari gagawaen itan a maoges tan mabanday a bengatla! Sangkailik yan tooy wadya.

Levitico 20:17

No say sakey a laki et asawaen toy agi ton peteg odino say agi tod ama o ina, nanggawa ran duay kababaingan, tan nepeg iran pataynanen ed olupan da ray Israelita. Akiakdul ed agi to kanyan nepeg ya akoen toy dusa na ginawa to.

Levitico 18:11

Ag ka miaakdul ed biin anak nen amam ed sananey a bii ta agim met ni lamlamang.

Levitico 18:9

Ag ka miaakdul ed peteg ya agim a bii odino agim ed ama odino ina, anggaman a sasakey ya abung so binalegan yo.

Probirbio 7:7

anengneng ko ray amayamay a tobun-balon lalaki ya anggapo niy salsali rad panagbilay, balet walay naimanok a sakey a makulang-kulang.

Deuteronomio 22:29

nepeg a mambayar ed ama na samay bii na limamplon kuartan pilak, tan samay bii et magmaliw ya asawa to, lapud pinasoot ton akiakdulan. Ag ton balut nisiyan legan ton mambilay.

Genesis 34:2

Nen anengneng nen Sikem a lakin anak nen Hamor a Heveo imbatik to, insan to pinasoot ya inakdulan.

Deuteronomio 22:21

iyakar dad satan ed lolooban na abung nen ama to, tan diman tupaken na saray lalakid siudad ya anggad ag to ipatey. Samay bii et nanggawa na makapabaing ed saray totoo tayo diad impiakdul tod laki kasakbayan na impikasal to, legan a manaayam ni ed abung nen ama to. Diad ontan, napaandipat yo yan kaogsan.

Jeremias 29:23

Onyay nagawad sikara, lapud ambelabelat so ginagawa ran kasalanan—akikaloguran irad asaway kapara ran too, tan nantila rad ngaray Katawan. Sumpa yad linaway Katawan; amta to ray ginagawa ra, tan sikatoy tasi sumpad sikara. Say Katawan so nansalita.”