2 Samuel 12:9 - Maung A Balita Biblia

⁹ Akin sirin et ag mo inonur iray ganggan ko? Akin et ginawam yan kaogsan? Impapatey mod bakal si Urias; inabuloyan mon pinatey na saray Ammonita, insan mo inasaway asawa to!

Maung a Balita Biblia

⁹ Akin sirin et ag mo inonur iray ganggan ko? Akin et ginawam yan kaogsan? Impapatey mod bakal si Urias; inabuloyan mon pinatey na saray Ammonita, insan mo inasaway asawa to!

2 Samuel 12:9 Referans Kwoze

1 Samuel 15:19

Akin sirin et ag mo inonur? Akin et nanlulumbaan kayod saray asamsam yo, et lapud saya ginawa yoy maoges ed Katawan?”

Amos 2:4

Say Katawan kuanto, “Nankakasalanan iray totood Juda, kanyan andi-saew a dusaen ko ra. Impolisay da ray bangat ko tan ag da inonur iray ganggan ko. Imbalang ira na saray tila-tilan diriyos a nanlilingkuran na saray lalaki ra.

Jeremias 18:10

balet kabebekta saman a bansa et manggaway kaogsan, omanen koy imbagak a kanunotan ko a gawaen ed saman a bansa.

Saray Salmo 90:8

Iiyan mod arap mo iray kasalanan mi, diad pasen a nanengneng mo ra iray maamut a kasalanan mi.

1 Samuel 15:23

Say isumpa ed sikato et singa kinaoges na panangipanon ed saray maoges ya ispiritu tan say panagpaatagey et singa kinaoges na panangigalang ed saray diriyos. Lapud impolisay moy ganggan na Katawan, impolisay to ka met ya ari.”

Isaias 5:24

Kanyan natan, no panon a napoolan so dayami tan amagan dika, ontan met a naboluk iray lamut yo tan namagaan iray rosas yo, insan ira itikyab na dagem, lapud impolisay yoy imbangat ed sikatayo na Katawan a Makapanyarin-amin a masanton Dios na Israel.

2 Samuel 11:4

Angibakiy David na saray mangawit ed kinen Bat-seba; inawit da, insan to inakdulan. (Karkayariy binulan a panaglinis nen Bat-seba onung ed ganggan.) Insan la sinmempet.

Saray Salmo 51:4

Sika labat, anggapo lay arum, so nankasalananan ko, tan ginagawak iray ipapasen mon maoges. Kanyan matonung so panisintinsiam ed siak.

2 Saray Awaran 33:6

Insaklang ton bagat a popoolan ed Patar na Hinom iray lalakin anak to. Nambubuyon tan nansasalamangka; nampapanon ed saray managpalar tan saray manangipanon ed saray ispiritu na inaatey. Mapalaloy impankasalanan tod Katawan, kanyan impanpasnuk to.

2 Samuel 12:10

Natan sirin diad balang kailalakan, pigaran kabyangay boleg mo so napatey diad panamegley na ispada, lapud ag mo ak inonur tan inasawam so asawa nen Urias.

1 Samuel 15:26

“Ag ak milad sika,” ebat nen Samuel. “Impolisay moy ganggan na Katawan, kanyan impolisay to ka ya ari na Israel.”

2 Samuel 16:7

Insamba nen Simei tan kuanto, “Taynan ka dia! Taynan ka dia! Managpatey na too! Kriminal!

1 Saray Arari 15:5

Ginagawa ya na Katawan, lapud ginawa nen David iray makapaliket ed sikato tan ag ton balut sinumlang iray ganggan to, likud ed samay ginawa to ed Urias a Heteo.

1 Saray Arari 21:19

Ibagam ed sikato a siak, say Katawan, kuankod sikato, ‘Anta pinatey mo la may too, alaen mo ni lamet so kayaryan to?’ Ibagam ed sikaton onyay kuanko, ‘Dildilan na saray aso so dalam ed pasen a nandildilan na saray aso ed dala nen Nabot!’”

Saray Salmo 51:14

Iyagel mo pay bilay ko, O Dios a manangilaban ko, et maliket ak a mangibawag na inkatonung mo.

Saray Salmo 51:16

Ag mo labay iray bagat, ta no labay mo ra komun, isaklang ko la rad sika; ag mo pakaliliketay bagat iran popoolan.

Probirbio 14:2

Mambilay kan matwa, et ipapanengneng mon walay panamagalang mod Katawan; mambilay kan maoges, et ipapanengneng mon anggapoy panamagalang mod Katawan.