2 Samuel 12:20 - Maung A Balita Biblia

²⁰ Binmangon ed datal si David, nanames, nansagaysay, tan nampales. Insan linman angigalang ed abung na Katawan. Nen pinmawil ed palasio, kinmerew na nakan, tan kapangisaklang da, angan.

Maung a Balita Biblia

²⁰ Binmangon ed datal si David, nanames, nansagaysay, tan nampales. Insan linman angigalang ed abung na Katawan. Nen pinmawil ed palasio, kinmerew na nakan, tan kapangisaklang da, angan.

2 Samuel 12:20 Referans Kwoze

Say Libro nen Job 1:20

Lapud saya inmalagey si Job tan pinilat toy kawes to a pangipanengneng toy ermen to. Kiniskisan toy olo to tan intiblak tod dalin.

Ruth 3:3

Kanyan manames ka, mampabalingit ka, tan isolung moy sankarakepan a kawes mo. Insan lakad panagilikan, balet ag mo ipapalikas a wadman ka anggad ag ni asumpal ya angan tan inminom.

Mateo 6:17

No manayuno ka, mandilamos tan mansagaysay ka,

Ecclesiastes 9:8

Ipanengneng mo lawas a maliket tan magayaga ka.

Say Libro nen Job 2:10

Inmebat si Job, “Andi-kakanaay ibabagam! No mangiter na kamaungan so Dios, awaten tayo. Akin et ag tayo awaten no kairapan so iter to?” Anggan ontan lay paniirap to si Job ag nansalita na maoges sumpad Dios.

2 Samuel 7:18

Si Ari David linmoob ed Tuldan Ayamay Katawan, inmirung tan nampikasi, “Aliwak a manepeg, anggan say pamilyak, et antokaman a ginagawam lad siak, Katawan a Dios.

Saray Salmo 39:9

Mandeen ak, ag ak mangibalikas na anggan anton salita, ta sikay nanlapwan na sayan paniirap ko.

2 Samuel 6:17

Inyakar day Kaban na Sipanan tan inyan dad pasen to diad dalem na tulda ya imparaan nen David a panginan. Insan angisaklang ed Katawan na saray bagat a popoolan tan bagat a para kareenan.

Lucas 7:46

Ag mo anggan nilarakay olok, balet sayan bii pinoyukan to ray salik na pabalingit.

2 Samuel 12:19

Nen naimano nen David a maneesaesan ira, atalusan ton inatey lay ogaw. Kanyan tinepet tod sikara, “Inatey lay ogaw?” “On, inatey la,” ebat da.

2 Samuel 12:21

“Ag mi ya natalusan,” kuan na saray opisyal to ed sikato. “Nen mabilay ni may ogaw, ineerman mo tan ag ka mangan; balet kapatey to, binmangon ka tan angan ka!”

2 Samuel 14:2

Kanyan impaawit toy sakey a biin masilib a taga Tecoa. Kasabi to, inkuanen Joab ed sikato, “Mankonkuanan kan maermen; mambaliwan ka, tan ag mo sasagaysayen so buek mo. Ipanengneng mon sakey kan bii ya abayag lan maneermen.

2 Samuel 19:24

Insan sinmabin mangabet ed ari si Mefiboset ya apo nen Saul. Ag to inorasan so sali to, ag to pinotutan so balbas to, odino impesak so kawes to nanlapu lad intaynan na ari ed Jerusalem ya anggad impawil ton sipapalabo.

Saray Salmo 95:6

Dago kayo, ta mandakmomo tan mangigalang itayod sikato; mantalimukor itayod arap na Katawan a Manamalsa tayo!

Saray Salmo 103:1

Kamarerwak, idayew moy Katawan! Sigput ya inkatook, idayew moy masanton ngaran to!

Saray Salmo 103:8

Maaro tan mapangasi so Katawan, aliwan maipapasnuk tan napno na ag mangoman a panangaro.

Probirbio 3:7

Ag mon balut ipapasen a makabat ka nen say peteg a kakabatan mo; takotan moy Katawan, tan ag ka mangagaway kaogsan.

1 Samuel 15:25

Balet natan kerewen kod sika, pirdona mo ak tan mila kad siak ed Gilgal, pian nigalang koy Katawan.”

1 Samuel 15:31

Kanyan akilay Samuel ed sikato ed Gilgal, tan inggalang nen Saul so Katawan.