2 Samuel 11:2 - Maung A Balita Biblia

² Aminsan ya agew, nen ngarngarem la, binmangon si David ed pampapainawa to, insan linmad toktok na palasio. Diad panaakar-akar tod man akanengneng na sakey a biin manaames ed abung. Magangganan maung yan bii.

Maung a Balita Biblia

² Aminsan ya agew, nen ngarngarem la, binmangon si David ed pampapainawa to, insan linmad toktok na palasio. Diad panaakar-akar tod man akanengneng na sakey a biin manaames ed abung. Magangganan maung yan bii.

2 Samuel 11:2 Referans Kwoze

Mateo 5:28

Balet ibagak ed sikayo natan: siopamay onlilinggis a walay getma ton marotak ed sakey a bii, mankakasalanan lad puso to na pikakaloguran.

Saray Salmo 119:37

Iyarawim pad siak so pangimanod antokaman ya andi-kakanaan; ipanengneng mo pad siak so kamaungan mo onung na insipan mo.

1 Juan 2:16

Amin a bengatlan walad mundo—saray maoges a pilalek na too, saray labalabay a nengnengen tan alaen na totoo, tan amin a bengatla diad mundo ya ipapasirayew na totoo—nanlapu ra yan amin ed mundo. Anggapoy anggan sakey ed saraya so nanlapud Ama.

Saray Gawgawa 10:9

Kaimbuas, nen asingger lad Jope ra may imbaki nen Cornelio, si Pedro et linmad toktok na abung a mampikasi nen ngalngali la alas dosid kaagewan.

Probirbio 6:25

Ag ka patutuksod ganggana ra; ag ka pasasagyat ed panagkindat da.

Say Libro nen Job 31:1

Sinambaan ko ya ag ak onlinggis a walay marotak a getmak ed sakey a marikit.

1 Pedro 4:7

Asingger lay anggaay amin a bengatla, kanyan nepeg a manadya tan mamparaan kayo, pian nayarian yoy mampikasi.

Probirbio 31:30

Makapalikdo so limgas tan mangangga so ganggana, balet nepeg ya idayew so biin papagalangan toy Katawan.

Deuteronomio 22:8

“No mamaalagey kayoy balon abung, kargaan yon kargaan na barandilyas iray gilig na atep to. Diad satan anggapo lay kasalanan yo no walay napelag tan ompatey.

Genesis 3:6

Anengneng na samay bii a marakerakep imay kiew tan masamsamit a kanen so bunga to, tan sakey a pampilpilalekan a pakagamuray kakabatan. Kanyan amorbor na bunga, insan to kinan. Initdan toy asawa to, tan kinan to met.

Mateo 10:27

Say ibabagak ed sikayod ambilonget, olit yon maliwawa; tan say iyeesaes kod sikayo, ibando yon manlapud toktok na saray abung.

Jeremias 19:13

Magmaliw a marotak a singa Tofet iray kaabungan ed Jerusalem tan saray kaabungan na saray ararid Juda, tan saray kaabungan a diad saray toktok da so nampopoolan na saray insinson para saray bitewen, tan diman met so angibungan na saray iinomen a bagat ed saray diriyos.”

Probirbio 19:15

Sigi labat, manggiras ka; ogip ka labat, balet naerasan ka.

2 Samuel 4:7

Kaloob da, talus day kuarton naogipan nen Isboset, insan da pinatey. Pinotut day olo to, inawit da, insan sanlabi ran nanakar ed Patar na Jordan.

Genesis 34:2

Nen anengneng nen Sikem a lakin anak nen Hamor a Heveo imbatik to, insan to pinasoot ya inakdulan.

Genesis 6:2

Saray anak na Dios anengneng dan maganggana ra yan bibii, kanyan nampili ray inasawa ra.

2 Samuel 4:5

Pinmikal si Recab tan si Baana, ta onla rad abung nen Isboset. Kagkaagewan so insabi ra, tan mamapainaway Isboset.

1 Samuel 9:25

Nen linmeksab iran onlad baley manlapud samay pasen a panangigalangan imbilkagan dad toktok na abung si Saul,

Genesis 39:6

Impia tod kinen Jose ya amin iray kayaryan to, kanyan anggapoy nepeg ton asikasoen, likud labat ed pampili toy kanen to. Maung ya impanlaman si Jose tan guapo.

Mateo 24:17

Say toon walad toktok na abung nakaukolan ya ag la manabalan onlasur a mangalad dalem na abung na saray kagawaan to.

Genesis 12:11

Nen asingger to lan beltangen so ketegan a mamaarap ed Egipto, inkuantod kinen Sarai ya asawa to, “Maganggana kan bii.

Deuteronomio 5:21

“‘Ag mo iibegan so asawa na kaparam a too; ag mo iibegan so abung to, say dalin to, saray aripen to, saray baka to, saray asno to, odino antokaman a kayaryan to.’

2 Samuel 13:1

Si Absalom a lakin anak nen David et walay magangganan agi ton marikit a manngaray Tamar. Say sakey a lakin anak nen David a si Amnon et naibegan toy Tamar.

2 Samuel 14:27

Si Absalom taloray lakin anak to tan sakey so bii a si Tamar a magangganan maung.

Probirbio 7:8

Sikatoy manaakar ed dalan ya asingger ed sokung a panaayaman na sakey a bii. Ondadalan ed abay na samay abung na bii