2 Samuel 1:21 - Maung A Balita Biblia

²¹ “Anggapo komuy ompelag ya oran o linaew ed saray pokdul na Gilboa; anggapo lawas komun so antokaman ya ontobo ed saray alog to. Ta saray samper na masesebeg kitongilang irad man a nakalay kagalangan; say samper nen Saul wadman ya ag la nalalarakan.

Maung a Balita Biblia

²¹ Anggapo komuy ompelag ya oran o linaew ed saray pokdul na Gilboa; anggapo lawas komun so antokaman ya ontobo ed saray alog to. Ta saray samper na masesebeg kitongilang irad man a nakalay kagalangan; say samper nen Saul wadman ya ag la nalalarakan.

2 Samuel 1:21 Referans Kwoze

1 Samuel 31:1

Saray Filisteo binakal da ray Israelita diad Palandey na Gilboa. Amayamay iray inaatey ya Israelita balet akabatik iray arum.

Isaias 21:5

Diad samay pasingayew, sakey a baleg a ponsia so akaparaan. Akaaplag lad datal so alpombra a yorunga na saray bisita. Manaakan tan maniinom ira. Kabebekta nieyag so sakey a ganggan, “Sikayo ran opisyal na saray sondalo! Iparaan yo ray samper yo!”

1 Samuel 10:1

Insan angalay Samuel na sakey a botilyan larak na oliba tan inkalbo tod olo nen Saul, inanguban to, tan kuanto, “Say Katawan lalanaan to kan manoley ed saray totoo ton Israelita. Oleyan mo ray totoo to tan iyagel mo rad saray kalaban da. Saya so pakapatnagan mo a pinili say Katawan a manoley ed saray totoo to.

Joel 2:14

Angangko mangoman a kanunotan so Katawan a Dios yo tan bindisionan to kayo na daakan iran bungay tanaman. Diad satan nayarian yoy mangibagat ed sikato na trigo tan alak.

Joel 1:9

Anggapo lay trigo odino alak ya ibagat ed Timplo; maermen iray papari lapud anggapoy nibagat da ed Katawan.

Ezekiel 31:15

Sikato yay kuan na Katawan a Dios: “No agew a samay kiew onlad pasen a panaayaman da ray inaatey, patabonan kod danum ed dalem na dalin a tanda na panermen. Saraan ko ray ilog tan ag ko paagosen iray kolus. Lapud inatey imay kiew, kobutan ko na bilonget iray Kapalandeyan na Libano tan palenesen kon amin iray kiew ed palandey.

Isaias 5:6

Paolyan kon natuboan na saray dika. Ag ko potut-potutay sanga to odino bukalkalen so dalin, no ag ingen paolyan kon kobutan na ambabaing tan arum nin masabit a dika. Iganggan ko ni ingen iray lorem ya ag da terteran na oran.”

1 Saray Awaran 10:8

Diad kaimbwas na kayariy bakal, saray Filisteo et linma ran mangalay antokaman a naala rad saray bangkay. Nalmo ray bangkay nen Saul tan saray taloran lalakin anak to a kibalatar irad Palandey na Gilboa.

1 Saray Awaran 10:1

Saray Filisteo binakal da ray Israelita diad Palandey na Gilboa. Amayamay iray apatey ya Israelita balet akabatik iray arum.

Saray Huis 5:23

“Isamba yoy dalin na Meroz,” kuay anghil na Katawan. “Isamba yo, isamba yo iray manaayam diman. Ag ira sinmabin ontulong ed Katawan, sinmabi ran sondalo a mibakal ed saray kalaban to.”

Kanta nen Solomon 4:4

Say beklew mo et singa tori nen David, malimpek tan pino-pinoy baog to; walay kuintas ton singa akasabit a sanlibon samper na sondalo.

1 Samuel 31:8

Diad kaimbuas na kayariy bakal, saray Filisteo linma ran mangalay antokaman a naala rad saray bangkay. Nalmo ray bangkay nen Saul tan saray taloran lalakin anak to a kibalatar irad Palandey na Gilboa.