2 Samuel 1:19 - Maung A Balita Biblia

¹⁹ “Diad saray pokdul na Israel inatey iray pangulo tayo! Atumba iray sankasebegan a sondalo tayo!

Maung a Balita Biblia

¹⁹ Diad saray pokdul na Israel inatey iray pangulo tayo! Atumba iray sankasebegan a sondalo tayo!

2 Samuel 1:19 Referans Kwoze

2 Samuel 1:27

“Atumba la ray masesebeg a sondalo, andi-kana la ray armas da.”

2 Samuel 1:25

“Atumba ray masesebeg a sondalo, inatey irad bakal. Wadman ya inatey ed kapokdulan si Jonatan.

Saray Tagleey 5:16

Anggapo lay nakdaan ed amin da ray ikikinon mi. Nankasalanan kami, kanyan pangaskasiyay kipapasen mi natan.

Zacarias 11:10

Insan ko inala may bastun a tatawagen na “Panangasi” tan pinoter ko a pamaandik ed impisipanan na Katawan ed amin da ray bansa.

Zacarias 11:7

Saray sumasaliw tan lumalako na karniro et inupaan da ak, tan magmaliw ak a pumapastol na saray karniron papatasen. Angawit ak na duaran bastun; say sakey tinawag ko na “Panangasi” tan say sakey “Pankakasakey.” Inasikasok imay poluk na karniro.

Saray Tagleey 2:1

Lapud pasnuk na Katawan, kinobutan to na bilonget so Sion. Impagmaliw na Katawan a bunton na deral-deral so mangatatawen ton kagalangan. Diad agew na pasnuk to inkaindan to so anggan Timplo to.

Isaias 4:2

Onsabiy panaon a say Katawan pabalegen tan pagmaliwen ton marakep so balang tanaman tan kiew a walad dalin. Amin da ray nakdaan a totood Israel et ikinon tan panliketan da ray bungay dalin.

2 Samuel 1:23

“Saul tan Jonatan, pinabli tan inararo; sankaibad bilay, sankaibad patey. Maples ira nen saray agila, mabiskeg ira nen saray lion.

1 Samuel 31:8

Diad kaimbuas na kayariy bakal, saray Filisteo linma ran mangalay antokaman a naala rad saray bangkay. Nalmo ray bangkay nen Saul tan saray taloran lalakin anak to a kibalatar irad Palandey na Gilboa.

Isaias 53:2

Linawa na Katawan a say aripen to et ontubo a singa tanaman a say kawalaay lamut to diad amagan dalin. Aliwa-liwa so inalageyan to odino nengneng to, kanyan ag itayo naayat ya onlinggis ed sikato. Anggapoy karakpan ed sikato, kanyan ag itayo natanggoyur ya onsingger ed sikato.