2 Pedro 1:6 - Maung A Balita Biblia

⁶ panagadya ed kakabatan yo, panaganos ed panagadya yo, inkatoor ed Dios ed panaganos yo,

Maung a Balita Biblia

⁶ panagadya ed kakabatan yo, panaganos ed panagadya yo, inkatoor ed Dios ed panaganos yo,

2 Pedro 1:6 Referans Kwoze

2 Pedro 1:3

Say pakayariy Dios et initdan to itayoy amin a bengatlan nakaukolan ed pambilay a matoor ed Dios, diad panamegley na pakapikabat tid samay anawag ed sikatayon minabang ed kagalangan tan kamaungan to.

Saray Hebreo 10:36

Nakaukolan a mananos kayo, pian nasumpal yoy linaway Dios tan naawat yoy insipan to.

Lucas 21:19

Mananos kayo, pian nagamuran yoy tuan bilay.”

Saray Hebreo 12:1

Aliber itayoy amayamay a tasi, kanyan ikaindan ti la ray amin a makaskasbel ed sikatayo, tan say kasalanan ya ompepeket a malet ed sikatayo. Anosan tayon ituloy so batiken tayo ni.

1 CORINTO 9:25

Saray mampapasal a milumba nakaukolan a mandangka rad amin a ganagana. Gagawaen da ya, pian nagamuran day korona a naderal lamlamang, balet koronan ag naderal so nagamuran tayo.

Tito 2:2

Ibagam ed saray mamatakken a lalaki a mambilay iran makalakal, mapagalang, maadya, mabiskeg ed pananisia, maaro, tan maanos.

TAGA GALACIA 5:23

oyamo, tan panagadya. Anggapoy onsumlang a ganggan ed saraya.

Puyan 14:12

Kanyan nakaukolan a mananos iray totooy Dios, saray manusumpal na ganggay Dios tan matoor irad kinen Jesus.

Puyan 2:2

Amtak iray ginagawam; tan amtak no panoy impankekesaw tan impanaanos mo. Amtak ya ag mo ra naanosay maoges a totoo. Sinubok mo ray mangibabagan apostol ira anta andi, tan nalmoan mon matila ra.

Tito 1:8

Nepeg ya amta toy manangkaili, maarod bengatlan maung, matonung, masanto, tan maadya.

1 TESALONICA 1:3

Diad arap na Dios tan Ama tayo, nanunotan miy kimey yon bungay pananisia yo, say pamapasya yon mankimey lapud panangaro, tan say malmalet ya ilalo yod Katawan tayon Jesu-Cristo.

COLOSAS 1:11

Napabiskeg kayo komun ya amin diad tulong na mapagalang a pakayariy Dios, pian maliket yon nitepel iray amin a bengatla.

2 CORINTO 6:4

Ingen, diad amin a gagawaen mi, ipapaamta min kumikimey kami na Dios, lapud ontan lan pantetepel mid saray segsegang, kairapan, tan kaermenan.

Saray Taga Roma 8:25

Balet no manilalo tayod ag tayo nanenengneng, anosan tayo ya alagden.

Saray Taga Roma 2:7

Saray ag ontondan manggaway kamaungan, mananap na galang, dayew, tan ag ipatey, naitdan iray bilay ya andi-anggaan.

Saray Gawgawa 24:25

Balet nen ituloy nen Pablo so mampaliwaway nipaakar ed kamaungan, panagadyad dilin laman, tan say okum ya onsabi, ataktakot si Felix tan inkuanto, “Alis ka ni, ta patawag ta ka no walay panaon ko.”

Lucas 8:15

Saramay ilik a dinmapod mabonan dalin aliling day totoon ondedengel ed salitay Dios, insan da aasikasoen ed matoor tan maung a puso ra, tan pansiasiansiaen dan anggad mambunga ra.”

Saray Salmo 37:7

Mandeen kad arap to, tan mananos kan manalagar ed sikato; ag ka nagugunigon lapud saray totoon onaaligwas, odino lapud saray totoon maung so pansusumpalay maoges iran getma ra.

Saray Taga Roma 15:4

Amin a walad Masanton Sulat insulat ira a pakaaralan tayo, et diad ontan nawalaan itayoy ilalo diad panamegley na anos tan biskeg na linawa ya iter na Masanton Sulat ed sikatayo.

Puyan 13:10

Siopamay niganan nadakep, nadakep a tua. Siopamay niganan ompatey diad panamegley na ispada, ompatey a tua diad panamegley na ispada. Kanyan saray totooy Dios nakaukolan a mananos tan manisia ra.”

Puyan 1:9

Siak si Juan, say agi yo tan kaiba yon maniirap, kaiba yod Panarian, tan kaiba yon mantetepel lapud pikakasakey ed kinen Jesus! Niakar ak ed isla na Patmos, lapud impangipupulong koy salitay Dios tan say katwaan a tinasian nen Jesus.

2 Pedro 3:11

Lapud onyay pansumpalay amin a bengatla, nepeg a masanto so bilay yo tan nisaklang ed Dios,

Saray Hebreo 6:15

Maanos a nanalagar si Abraham, kanyan agamuran toy insipan na Dios ed sikato.

Saray Hebreo 6:12

Ag kayo manngingiras. Alig yo ray totoo a lapud anos tan pananisia et tawiren da ray sipan na Dios.

Tito 1:1

Sayan sulat nanlapud kinen Pablo ya aripen na Dios tan apostol nen Jesu-Cristo. Nibaki ak a mamabiskeg ed pananisia da ray totoon pinili na Dios tan mangiwanwan ed sikara ed katwaan ya ontokuy ed kasantosan,

2 Timoteo 3:5

Singa ra rilihiosa, balet ag nanengneng ed panagbilay da so pakayariy rilihion. Arawian mo ra yan klasiy totoo.

1 Timoteo 6:11

Balet sikan tooy Dios, paliisan mo ra yan amin. Seetan mon tombukey katonungan, kasantosan, pananisia, panangaro, panaganos, tan kinaoyamo.

1 Timoteo 6:6

Baleg a kayamanan so niiter na rilihion ed sakey a too ya amta toy mamasarag na antokaman a walad sikato.

1 Timoteo 6:3

Siopamay mangibangat na nidoman bangat tan ag onabubon ed saray tuan salita na Katawan tayon Jesu-Cristo tan say bangat a nipaakar ed rilihion tayo,

1 Timoteo 3:16

Anggapoy makapangibori no panoy kabaleg na niamut a katwaan na rilihion tayo. Sikatoy pinmanengneng a sakey a too, pinaneknekan na Ispiritu a sayan too et maptek, tan anengneng na saray anghil. Nipulong ed nandoroman bansa, sinisia na saray katoowan, tan niatagey ed tawen.

1 Timoteo 2:10

Ingen nepeg a nanengneng ed sikaray maung iran gawgawa, ta sikato yay akbibit na bibiin ipapasen day laman dan dili a mananisia rad Dios.

1 Timoteo 2:2

Ontan met komun so nagawa para saray arari tan amin da ray manoley, pian makapambilay itayon anggapoy golo tan mareen, walay nagnap a kinasanto tan kasimpitan.

2 TESALONICA 3:5

Say Katawan iwanwan to kayo komun ed lalon pakapikabat yo ed panangaro na Dios tan say pananos ya iiter nen Cristo.

2 TESALONICA 1:4

Kanyan sikamin dili ikikinun mi kayod saray iglisiay Dios, lapud pansiasiansiay tepel tan pananisia yo, anggaman a dakel iray segsegang tan kairapan a liliknaen yo.

Isaias 57:1

Ompatey iray matonung, et anggapoy toon makatalus odino mangabagey. Balet no ompatey ira, anggapo lay makasigensigen ed sikara.

Genesis 5:24

Nambilay a kaiba toy Dios, insan naandipat, ta inalay Dios.