2 CORINTO 9:15 - Maung A Balita Biblia

¹⁵ Misalamat itayod Dios lapud sayan ag miparan panangaro to!

Maung a Balita Biblia

¹⁵ Misalamat itayod Dios lapud sayan ag miparan panangaro to!

2 CORINTO 9:15 Referans Kwoze

2 CORINTO 2:14

Balet salamat ed Dios, ta lawas to kamin pipilaen ed paraday pananalo nen Cristo, lapud pikakasakey mid sikato. Tan diad panamegley mi, ikakayat na Dios ed amin a pasen so pikakabat nipaakar ed Cristo, a singa ikakayat na balingit.

TAGA-EFESO 5:20

Lapud amin a bengatla, misalamat kayo lawas ed Dios Ama, diad ngaran na Katawan tayon Jesu-Cristo.

Juan 3:16

Ta diad ontan lan panangaroy Dios ed sankamundoan inter toy bogbogtung ya Anak to, pian siopamay manisiad sikato et ag nabalang no ag ingen nawalaay bilay ya andi-anggaan.

Saray Taga Roma 8:32

Ag to kinawanan so dilin Anak to, no ag ingen inter ton imbagat para sikatayon amin! No inter tod sikatayoy Anak to, ag to met kasi iter ed sikatayoy amin a bengatla?

Santiago 1:17

Nanlapud tawen so balang maung tan nagnap a langkap; nanlapud Ama ya amalsad amin a liwawa. Sikatoy ag mangoman tan ag met panlapway bilonget diad ibeneg to.

1 CORINTO 15:57

Balet misalamat itayod Dios a mangiiter ed sikatayoy pananalo diad panamegley na Katawan tayon Jesu-Cristo!

Puyan 4:9

Saramay apatiran pinalsa a mabilay et ikakanta ray pangidayew, pangitanduro, tan pisasalamat ed samay akayorung ed trono, say mabilay ya anggad angga. Leleg dan mangakanta,

Saray Taga Roma 6:23

Ta patey so upa na kasalanan, balet bilay ya andi-anggaan so rigaloy Dios diad panamegley na pikakasakey ed Cristo Jesus a Katawan tayo.

2 CORINTO 9:11

Payamanen to kayo lawas, pian mabonluk lawas so panangiter yo, et dakel iray misalamat ed Dios lapud saray tulong yon naawat dad panamegley mi.

Saray Taga Roma 5:15

Balet nandomaan ira yan dua, ta ag namparay panangaroy Dios tan say kasalanan nen Adan. Tua a dakel so totoon inaatey lapud kasalanay sakey a too. Balet lalon baleg so panangaroy Dios tan say rigalon inter tod amayamay a totoo diad panamegley na baleg a panangaro na sakey a too—si Jesu-Cristo.

Juan 1:16

Diad inkapno toy aro, pinalangkapan to itayon amin na ag nasabsabaan a kaabigan.

Saray Salmo 30:12

Ag ko sirin pepetay sangik; kantaan ta kay panangidayew. Katawan, sikay Dios ko; ando lan andon misalamat ak ed sika.

Isaias 49:6

Say Katawan inkuantod siak, “Walay babaleg a kimey a pagawak ed sika ya aripen ko, ag ko labat paipawil ed sika so inkatalonggaring na saray totood Israel ya akapaliis ed patey, no ag ingen gawaen ta ka met a sakey a silew ed saray bansa— pian nilaban iray amin a katoowan ed tapew na dalin.”

Isaias 9:6

Dadi sikatayo nianak so sakey ya ogaw! Niiter ed sikatayo so sakey ya anak a laki! Sikatoy magmaliw a manoley tayo. Natawag a “Makapakelaw a Mananimbawa,” “Makapanyarin Dios,” “Andi-anggaan ya Ama,” “Prinsipi na Kareenan.”

1 Saray Awaran 16:8

Misalamat kayod Katawan, ibawag yoy pakapanyari to, tan ipaamta yod saray bansa iray ginagawa to.

Lucas 2:14

“Galang ed Dios ed tawen a sankatageyan, tan diad dalin kareenan ed saray totoon pakaliliketan to!”

Saray Salmo 92:1

Maabig so misalamat ed sika, O Katawan, say pankanta a pamagalang ed sika, O Dios a Sankatageyan,

Saray Salmo 30:4

Kantaan yoy panangidayew so Katawan, sikayo ran matoor a totoo to! Nunot yo no anto ray ginagawa na samay Masanto, tan pisalamatan yo!

1 Saray Awaran 16:35

Ikuanyod sikato, “Iyagel mo kami pa, O Dios a Manangilaban mi; pantitipon mo kami pa; iyagel mo kamid saray kalaban a bansa, pian misalamat kami tan idayew miy masanton ngaran mo.”

Lucas 2:38

Diad saman ya oras, linmad Timplo tan akisalamat ed Dios, insan nansalitay nipaakar ed kinen Jesus diad amin da ray manaalagar ed panondon na Dios ed Jerusalem.

2 CORINTO 9:14

Kanyan katekep na baleg a panangaro rad sikayo so pangipikasi rad sikayo, lapud nidoma-doman panangaro ya impanengneng na Dios ed sikayo.