2 CORINTO 9:11 - Maung A Balita Biblia

¹¹ Payamanen to kayo lawas, pian mabonluk lawas so panangiter yo, et dakel iray misalamat ed Dios lapud saray tulong yon naawat dad panamegley mi.

Maung a Balita Biblia

¹¹ Payamanen to kayo lawas, pian mabonluk lawas so panangiter yo, et dakel iray misalamat ed Dios lapud saray tulong yon naawat dad panamegley mi.

2 CORINTO 9:11 Referans Kwoze

2 CORINTO 4:15

Pankaabigan yo ra yan amin a nagagawa, tan diad ikakayat na panangasiy Dios ed saray totoo, ondakel so iter dan pisasalamat a pakagalangan na Dios.

2 CORINTO 9:12

Ta say tulong ya iter yo et ag labat manambut ed pankaukolan da ray totooy Dios, no ag ingen mambunga met na dakel a pisasalamat ed Dios.

2 CORINTO 1:11

diad tulong na impangipikasi yod sikami. Diad ontan dakel iray misalamat ed Dios lapud saray bindision tod sikami, a pinagkaebat na pikakasi da ray dakerakel a totoo.

2 CORINTO 8:19

Aliwan satan labat, sikatoy pinili met tan tinoro na saray iglisia a kaiba min mambiahi legan min manlilingkur lapud aro. Sayan panaglingkur et pakagalangay Katawan, tan pakanengnengay panlabay min ontulong.

2 CORINTO 8:16

Ontan lay pisasalamat mid Dios, ta ginawa toy Tito a maseeseet ya ontulong ed sikayo a singa kinaseet mi!

1 CORINTO 1:5

Ta diad pikakasakey yod Cristo nagmaliw kayon mayaman ed amin a bengatla, anggan diad amin a panagsalita tan amin a karunongan.

2 Saray Awaran 31:10

Si Azarias a Pangulon Pari tan kabyangay boleg nen Sadoc kuantod kinen Ezekias, “Nanlapu lad samay panaon a saray totoo et inyaakar dad Timplo iray rigalo ra, duga so kakanen; dakerakel ni ingen so soluk mi. Binindisionan na Katawan iray totoo to kanyan wala ra yan amin ed sikami.”

Saray Taga Roma 12:8

no panagsimbawa, manimbawa tayo. Say mangyapag na kayamanan to, nepeg a mangiter a mabonbonluk; say walad oley, mankoli; say mangasid kapara ton too, gawaen ton sililiket.

Mateo 20:15

Akin, anggapo tay kanepegan kon manggawad labay kon gawaen ed kayaryan kon dili? O mairap kasi so linawam lapud kamaungan ko?’”

Mateo 25:17

Ontan met so ginawa to may akaawat na duan libo, tan akatuboy duan liboy pisos.